李施嬅变欧美双料影后　努力14年冲出国际：终于有机会讲感受！

李施嬅出道十四年，第一个奖项竟然是凭著美国微电影《Once More》，夺得《European Cinematography Awards》及《Los Angeles Film Awards》最佳女主角，成为双料影后。李施嬅笑言听到“影后”两字会心跳加速，因为完全是受宠若惊，还未习惯到：“呢个名好重，拍时完全冇谂过攞奖。监制就message我，话寄咗张certificate嚟，话我拎咗best artress，我当时就问：‘咩嚟㗎？’后来知道我拎咗奖，我先知发生咩事，what the hxxl，我拎咗奖！”

“我做咗咁多年，年年都有去颁奖礼，睇人攞奖攞得多，今次有呢个机会，可以讲返得奖感受，原来真系好鬼死紧张！”第一次夺奖就冲出国际，回想入行14年的入行生涯，她都会有质疑自己的时候：“都会问自己呢一行系咪唔啱自己，拍咗咁多年，系应该点呢？都好似⋯会有犹豫嘅时候。”这段时间，李施嬅坦言幸运地遇上“胡说八道会”，“一班好姊妹畀咗好多正能量我，push大家可以努力去冲。”所以，眼见好姊妹一个又一个得到奖项，李施嬅没有羡慕及妒忌之心，没有问为何还未到自己：“我会替佢哋开心，因为大家都系同样做咗好多年，努力咗咁多年，先至有咁嘅成绩。”

“当然我都会谂自己会唔会有呢一日喇，自己一直努力咗14年，但个时都觉得呢个机会都好渺望，所以今次拎呢奖我真系绝对谂唔到，系一支极大嘅强心针。”李施嬅为了分享喜悦，一直没有向任何人讲得奖一事，直到跟“胡说八道会”去旅行才在台底拿出奖项分享喜讯：“就系想睇返佢嘅反应，睇住佢哋为我开心到喊。”不过拎到国际影后，李施嬅都要讲句：“我绝对唔会变到好似飞甩鸡毛咁㗎！”