【同盟】姚子羚15年等一个机会 打到周身瘀：两只手痛到冇知觉！
《同盟》食住《城寨英雄》气势，收视平均26至27点，但最令人惊喜的是姚子羚，剧中饰演Kate，经常穿窄身性感吊带，但又有不少高难度打斗场面，令网友看得开心，她说：“其实我第一次拍咁多打戏，尤其喺车厢𠮶场戏，我拍完两只手系瘀哂，痛到冇哂知觉，每次放工都周身痛，因为成日会打落啲铁到，剧入面啲衫全部都系好少布，冇得带pad，下下硬食㗎。”
姚子羚原名饶慧玲，名字由钱国伟改，在无线挨了15年，2002年参加《TVB8全能主持比赛》拿了冠军后入行，剧中即使被坏人、杀手夹击，她都可以解决，但现实中任你几好打，当演员始终被动，她说:“每个人条路都唔同，或者姚子羚就系要做十几年先有而家嘅成绩，我接受㖞。”姚子羚出道的年代，无线奉行“排櫈仔”制度，想做女主角，必须由跑龙套、再逐步上，好像林峰、杨怡都当个《创世纪》路人甲，随著年资，戏份亦增加，不似近年陈凯琳、蔡思贝等港姐，一选完就做剧集女主角。
她说:“我觉得公司会有自己嘅决定，市场上要多元化，公司要培育新人系正常㖞，每个人都需要机会，岗位唔同，大家做嘅嘢一样，都系返咁多个钟，你亦有自己嘅戏份，唔好框住自己我系旧人㖞，新人一定唔好㖞，唔可以咁谂，可能我已经演得有固定pattern呢，新人方式仲好呢？唔好有个心态系“哗！我好资深㖞，我一定好㖞、要俾我做㖞。”我谂边一行都系有能者居之，唔好持住自己做咗几多年，呢个心态我觉得唔好，永远都系一个学习阶段。”
等了15年，今年姚子羚才强势出击，除了《同盟》之后播映的《灿烂的外母》，姚子羚戏份都重，但她不觉时间用多了，她说：“时间几长唔系最大问题，过程有冇得著呢？呢段时间有起有跌，我觉得每一步都好实在，系咪两年时间去到一个位（女主角）就叫最叻呢？去到呢个位唔系最叻，点样系呢个位维持落去，或者突破再上，呢个先系最高深学问，大家只系起步时间唔同，或者大家达成嘅时间唔同，我可能会行得比人哋慢，但我行得好舒服㖞。”