【BigBoys历险记】龙哥被消失？　朱智贤：佢份人比较搞笑幽默

《BigBoys历险记》间接令龙哥人气爆升，其中龙哥的“作法”也令广大观众叹为观止。先唔好理龙哥“作法”的真伪(或者根本上证实唔到)。原本“担定櫈仔”等著看龙哥“作法”的网友可能会失望，因为有消息说《BigBoys历险记》将会由四集变成两集(今晚8月6日为最后一集)，而今晚的节目内容中，龙哥所有戏份也会被剪走，即是“乾坤一开，三七气流一转”这些对白都会剪走晒。

节目中的主持之一，朱智贤接受《香港01》访问时说：“大家第一次接触龙哥，睇完第一集，睇埋上集尾嘅预告，好似好精彩咁。所以大家都好期待，但系宜家𠮶部份冇咗嘅话，就好可惜。但系唔知迟啲有冇网上版本可以睇返呢？”虽然消息传得似层层，不过想知是否腰斩节目和龙哥仲有冇得留低的话，其实留待今晚就会知道。

虽然很多网民对龙哥的印象不外乎是“神棍”之类的形象。但是朱智贤(Ashley)对龙哥的印象也不错：“我觉得龙哥份人其实系比较搞笑幽默，因为当每次我哋好惊嘅时候，龙哥佢都会话：‘有龙哥喺度，大家唔使惊！’咁样安慰我哋，其实佢都几识搞气氛㗎。但系你话网上嘅人评论佢施法嘅嘢我就俾唔到意见，可能信嘅人就信，唔信嘅人就觉得几有娱乐性咁啰。”

虽然未知今集的内容如何（或者仲有冇第三集都未知）。不过朱智贤也在访问中透露了一点内容。她说：“我唔系好记得元朗间荒废学校叫咩名。因为大家都系坐车去，其实𠮶度都几隐闭，因为系已经弃置咗。咁去到我哋就去睇下啲课室，睇下环境之类。然之后行到一半，龙哥又系话，feel到𠮶度有灵魂系𠮶度。之后就要作法咁样。”(呢次又系要上身？)“冇上身，但系我听到就系佢哋系度‘打’。龙哥讲就话‘同佢哋打过’。我唔知点形容，龙哥类似耍功夫咁。‘打’紧嘅时候好似系合埋眼嘅。最后龙哥仲讲咗句：‘头先叫你投降又唔投降，宜家打输咗先嚟投降？梗系冇咁著数啦’咁样。”

呢集净系听朱智贤讲都觉得好好睇，又“打”鬼又“作法”咁。如果冇晒龙哥嘅片段，我谂成个节目即刻冇晒观看焦点吖。