车婉婉大谈《无头东宫》主题曲创作点滴 60岁曹永廉善用乐悠卡
撰文: 张祖铭
出版:更新:
车婉婉和曹永廉今日(5日)出席新剧《痞子无间道》宣传活动时,曹永廉被问到今年踏入60岁拎乐悠卡一事,他笑言:“攞返啲着数啦!但系开心嘅每一个年纪我都接受嘅,60岁有返啲福利对我嚟讲梗系好好啦!”他笑言:“我啱啱已经坐咗车㗎啦!”
车婉婉有望会有《中年好声音4》
有消息指无线会开《中年好声音4》,车婉婉惊讶表示:“咁大个消息咩?新年真系开心好Yeah,如果再开第四季我当然想冧庄啦!我而家出街佢哋(观众)唔会叫我车婉婉,就会叫我《中年好声音》,所以可能我就入咗血,再继续做我唔觉得观众会觉得闷。其实第三季嘅收视系高过第一季同第二季。”
车婉婉大谈《无头东宫》主题曲创作点滴
另外,讲到较早前车婉婉在《万千星辉颁奖典礼》与陈妙瑛和向海岚合照,她分享喜悦:“𠮶张世纪合照好多人钟意睇,《无头东宫》嘅主题曲好多人都唔知道系我唱,我好多谢当时嘅监制打去唱片公司话有个剧集要唱主题曲想揾车婉婉唱,当时填词人就一晚写咗《无头东宫》主题曲,咁就一晚就录完,连碟都冇出,就即刻首歌俾咗TVB,所以冇一只碟有呢一只歌,钟意睇呢套剧或者钟意听呢首歌,都好难揾到呢只歌!”
她续指当晚知道陈妙瑛和向海岚做嘉宾,并表示:“我就去咗后台度等佢哋返嚟,当时套剧我又唔系演员,但我觉得呢一个《无头东宫》嘅组合,对我自己嚟讲系要留念,点知啲观众又咁钟意,有好多人like!”