视帝入行前做警察　新年独自看守荒山自缢尸体：要抱起佢放落嚟

新年流流当然应该开开心心，然而不是每个人、每份工都可以避开“大吉利是嘢”，新年一样会有人身故，也一样有人要为他们善后。视帝马德钟80年代前曾任警察数年，早前他在YouTube频道分享自己年初二开工，在寥无人烟的山上一个人看守尸体的经验，认真可敬！

影片开始之初，马德钟先谈及人离世后身体会逐步出现的征兆，之后就讲到其亲身经历。他第一次接触尸体，是当差不久接报有单位传出恶臭，而消防爆门后，他果真见到腐尸在屋内，已有尸斑及尸虫。他忆述：“真系好臭！𠮶种臭味真系臭到我，个影响嘅程度系点呢，因为𠮶日我做完呢件事就返去警署Canteen食中午饭，冇办法食到嘢，𠮶种味系一路留喺度唔散，喺个身体入面，𠮶种味道、𠮶个味蕾嘅记忆一路都喺度，去到夜晚都喺度，我谂去到第二日夜晚先至好啲。”他又透露，有些有经验的同僚，会事先在鼻下搽薄荷膏辟味，或是先点香。

而第二次深刻的经历发生在年初二，当时他仍是新人，收到市民报警指行山时发现尸体，于是他与其他警员上山，泊低车后还要再行入树林深处，他表示：“我哋见到有一个男士嘅尸体，有条绳绑住喺树上面，吊住个颈，一路吊住喺度，应该好确实已经系离开咗，因为我见到佢形相嘅时候，佢只眼已经凸咗出嚟，个口有少少微微张开，嘴唇已经黑晒，有啲乌蝇喺度飞，点解我咁记得呢？因为𠮶日系年初二嚟㗎 ！新年，年初二嚟㗎！”

马德钟分享警察处理尸体的方法，不可以直接把绳解下，因为要将绳拿去化验，调查到底会否有可疑，或有其他案件牵涉在内，“我哋要割断佢放返落嚟，咁我嘅岗位负责咩呢？我就系要负责抱住𠮶个尸体等佢喺上面割，咁我就埋去抱住，好重嘅，好重嘅。因为一个尸体佢软癞癞，冇任何力去俾你借力，佢系好重。我抱住佢，咁上面同事就割。”绳差不多断的时候，为怕尸体直接堕地，他们要慢慢、慢慢把他放落地。他指当时颈上的绳痕非常深，马德钟还要帮他采集指模，他说：“我见到佢只手啲手指甲已经全部都系黑晒，好僵硬咁样，我当差𠮶时已经听啲师兄讲，如果遇到啲咁样嘅情况，你一定要同佢讲：‘喂，你唔使担心呀！我哋系嚟帮你嘅啫，跟住慢慢搓吓佢只手，等佢松返啲可以打到指模，我当然都系照做。”

之后其他同事就落山继续巡逻，惟独马德钟要自己一个在山上等人来“收尸”，并且等下一更同事接更，那段时间非常漫长，四野无人，他原本应该下午4点半就放工，然而直至6点天黑仍未有同事来接更，“我返日更，又冇带住电筒，夜晚好彩有少少月光照住。我要睇住个尸体，我冇好埋，我行开少少，但系我一路都要睇住有咩情况发生，一路睇住一路等，天黑终于有人嚟接我。7点到应该有人嚟接我，但系我觉得个时间好漫长，点解好似过咗好多个钟头咁嘅？因为你冇任何嘢可以做，喺个山上面你只系得天、树，同埋佢，同埋我，又冇手机冇任何嘢可以搞到，呢个系我当差入面几难忘嘅一个经历。”

此外，马德钟亦谈及自己父母临终前的情况，两位在不同时期离世，但不约而同地，都在离开前几天突然表示自己见到眼前出现很多人，如马爸爸当时说：“前面做咩咁多人嘅？摆咗好多小贩摊档喺度，上面仲有好多蚁行紧落嚟。”他当时以为父亲是受药物影响而产生幻觉，但后来到马妈妈离世前两日，又说自己见到很多人在前面走来走去，当时马德钟已深知不妙，因为前面一个人都冇，而果然两日后，母亲也病逝。因此马德钟相信人死前会产生幻觉，也邀请网民分享自己的经历。