李司棋斥赵雅芝保镳暴力阻挡男粉丝合照　行为过火︰点解佢要咁做

撰文： 吴子生
出版：更新：

日前赵雅芝出席晚会录影，其保镳暴力阻挡男粉丝合照，连人抱起抛落地，事件引起全城哗然。今日（18/1）李司棋（司棋姐）和陈敏之现身观塘出席连锁快餐店宣传活动，就事件接受《香港01》访问。

今日（18/1）李司棋（司棋姐）和陈敏之现身观塘出席连锁快餐店宣传活动。（吴子生　摄）

司棋表示：“其实如果有粉丝过嚟话要同我合照，我系好乐意，因为代表佢哋系好锡你，我食呢行饭都食咗一世，咁我点解要憎佢哋。（如果你嘅保镳动粗会点？）咁就要一早讲明不能够粗暴，不能够郁手郁脚。除非𠮶个人飞扑埋嚟，手中又揸住杯饮品，有可能泼埋嚟，咁就冇说话好讲。但如果唔系，就不能够咁样。”

赵雅芝保镳对粉丝作出粗暴行为。（叶志明　摄）
事后赵雅芝有慰问涉事的粉丝。（叶志明　摄）

问到如自己保镳有此粗暴行为，事后会否将他解雇？李司棋︰“真系唔敢再用佢，因为可能佢控制唔到自己，有啲人入面有团火会发作，你叫佢唔好，佢下次又会嚟。但个保镳竟然咁做，我都真系估计唔到，点解佢要咁做，我系想像唔到。（可能好似你咁讲，有啲人系咁。）真系有啲人系咁，因为有啲人活得唔开心，成日就系想闹人，想揾人发泄，佢觉得认为系咁咪去做啰。”

问到如自己保镳有此粗暴行为，事后会否将他解雇？李司棋︰“真系唔敢再用佢，因为可能佢控制唔到自己。”（吴子生　摄）
陈敏之都表示其实这种事情甚少发生，“老板请保镳都系要小心啲。”（吴子生　摄）

陈敏之接着说：“其实呢啲事真系好少会发生，老板请保镳都系要小心啲，不过我哋唔使担心，因为通常都系大会请去保护我哋。但都明白个保镖都系善意想保护赵雅芝，但佢又系太过激动嘅。如果我会叫佢唔好咁。”

李司棋认为赵雅芝保镳动粗粉丝行为过火。（吴子生摄）

李司棋和陈敏之现身观塘出席连锁快餐店宣传活动。（吴子生摄）