【玛嘉烈与大卫－前度】杜小乔首拍床戏好紧张：不停丧食香口胶
撰文： 温菁莉
出版：更新：
ViuTV剧集《前度》虽然有文青女神袁澧林同刘俊谦参演，但播出半个月，外界反应就好似麻麻。其实日前剧情已经讲到刘俊谦饰演嘅大卫同杜小乔饰演嘅美玉开始拍拖，仲一齐去日本旅行。而昨晚的最新一集就播出了大卫同美玉床戏，原来呢𠮶场口都系二人首次在萤幕上拍摄亲密戏，当中杜小乔《香港01》访问时表示拍摄前仲不停丧食香口胶，“可以辟口气同令自己无咁紧张，未埋位已食晒成包。”
+1
拍摄亲密戏尴尬就一定有，加上今次是杜小乔首次拍剧更加有呢种感觉，“始终第一次拍床戏同冲凉戏。戏内我地系情侣，但戏外其实好似兄妹咁，所以都有啲怪怪嘅感觉。好彩刘俊谦系个好好嘅演员，好易令人入戏，可以一秒由兄妹变情侣。”
至于刘俊谦接受访问时亦表示心情既紧张又忐忑，“因为未试过拍亲热戏，就算私底下同小乔称兄道弟咁款，𠮶日都好少讲野。”其后仲笑言拍之前深呼吸一啖就埋位，“唉，大家都紧张嘛。到差唔多要拍，就同导演同小乔倾，一阵大概嘅流程系点，之后吸啖气就拍啦。”