胡美贻好友母亲遇网上情缘诈骗电话损失80万：佢仲以为自己失恋

庄子璇（Hilary）和胡美贻（Nicole）今日（16/1）现身电视城出席无线贺年节目《2025风生水起》记者会。Nicole接受《香港01》访问时表示：“做呢个节目就梗系借机问李丞责麦玲玲师傅指点迷津，师傅都带话我呢几年姻缘桃花都几好。（好多人追？）咁又真系冇㖞。因为我少出街。（网上都可以识㗎！）𠮶啲系网上诈骗，我身边系有朋友个妈咪就中咗情骗，对方每日对佢嘘寒问暖，最终被人呃咗80万，仲要飞到去英国揾𠮶个人，到最终𠮶个人梗系冇出现啦。但佢依然都唔相信系诈，佢仲以为自己失恋，但我个朋友梗系知诈骗，然后报警，但警方最后都系话好难捉人。（佢醒觉未？）冇呀，佢依然揾紧下一个恋情，我就叫我朋友快啲收咗佢妈咪部电话佢。”

Hilary讲到姻缘运，师傅直指她生肖属马下年行正桃花，会比较多姻缘，而且速来速去：“其实我又唔系好钟意呢啲，因为我拍拖系想长长久久，咁所以宁愿唔要。同埋师傅又话我好容易俾人横刀夺爱。我听到师傅咁讲，我梗系惊。咁所以我都系专注喺事业度。”