曹永廉专访丨外父姜大卫家族多猛人　有骨气唔想靠人：我都要面嘅

曹永廉在演艺圈35年，遇过好多高低起低，2016年迎来事业高峰，凭剧集《公公出宫》夺得“最佳男配角”，他觉得是对家人一个交代，“真系好好，屋企人冇一个人反对过，就算点样揾唔到食点样冇钱，佢哋都冇出过一句叫我转行，呢个系一个几好嘅动力。当然我唔会问佢哋伸手攞钱，但系我唔畀钱佢哋都冇压力，两个哥哥帮手去养家，真系屋企畀到我嘅支持系好大。”

相关文章：曹永廉专访丨报细4岁闯乐坛　每月$3,600签TVB曾忧无钱养家萌轻生

场地提供：Glasshouse Greenery

被安排演路人甲乙丙难过心理关口

曹永廉自觉演技不是最出色，但胜在够勤力，无论做综艺或拍剧集，他都会做足功课兼不会迟到。有次他在拍剧期间发现生肾石，遭导演无故狂闹，便宁愿忍痛也不敢请病假，幸最后得谭俊彦帮忙，讹称病“冧厂”，自己才能在手术后休息一两天。

在TVB这个木人巷，拍剧几辛苦，只要咬实牙关总会过去；但事业的起起落落，却容易令人心灰意冷。他指2002年拍摆《戆夫成龙》演包少爷后，还以为有机会再上位，怎料一个行为险令他再要从头做起，“当日我去监制房扣门，点知佢安排我演路人甲乙丙，好老实我挨咗咁多年啱啱上紧，咁样我真系可能会瀡落去！试造型𠮶日我问有冇得加戏份....最后佢（监制）话‘得啦得啦，咁我踢走你’。咁佢真系好好，肯放我，而公司又冇投诉已经好好。”

宁愿默默耕耘　不靠外父相助

曹永廉近乎是绯闻绝缘体，在姜大卫（John）口中不只一次赞这位女婿“好顾家”，曹永廉亦赞外父好人易相处。对于姜大卫的兄弟秦沛和尔冬升均是演艺圈举足轻重的大人物，曹永廉从没想过要占人便宜，“几个伯伯叔叔都好有知名度，但系我又冇谂过要佢哋帮我啲乜嘢。老老实实，如果你揾我，我系帮到你嘅咁我就觉得值得，但因为你嘅关系要畀个角色，咁就唔好嘞，我都要面嘅。”

组男团Hey Brother还心愿

姜大卫不时在社交平台大晒三代同堂全家福，曹永廉的15岁大仔保熙和12岁细女曦文均高颜值，尤其大仔更被赞有韩风feel可直接出道，阿廉打趣谓：“颜值又唔系高，似老豆咋嘛，哈哈哈！”他直言不想儿子入行，皆因演艺行业已萎缩，还要看天时地利，现阶段还是要先读好书。

至于刚成立的“Hey Brother”，他透露花了两年时间选人，笑言首要条件要年过50岁，所以老友萧正楠不入围。“还心愿，我哋想畀大家知道我哋嘅年纪虽然偏大咗，但系仲有个野心，唔放弃呢个系一个几好嘅心态。（跳舞？）几下就得，都话50几岁咯，谷晒思捷跳啰，我哋主力都系唱歌倾偈搞吓笑，因为大家对我哋都好熟悉，即管试吓啰，大家都几十岁，唔怕输，亦冇嘢可以输！”