【超时空男臣】三妹陈伟琪终于唔驶性感 从良好感动：差啲喊出嚟
撰文： 林通贤
出版：更新：
《超时空男臣》平均收视25.8，妈咪级电视精当然看田蕊妮和三位“男臣”，但对后生仔来说，剧中饰演三妹的陈伟琪Vicky才是重点，虽然她在剧中集集冷帽又卫衣、长裤，但众所周知她是水著女神，每天追看她的ig是宅男指定动作，水著、性感运动装束，是她的标记，但除了吸引的外表，２６岁的她其实是University of British Columbia（UBC）政治及哲学系毕业。
+8
【3日2夜．多图】林泳淘陈伟琪张曦雯网友力捧 6大女主持上位 陈伟琪身材与智慧并重 曾帮温哥华市长助选陈伟琪出众身材宅男至爱 卷入床照风波：完全唔系我嚟㖞！ 欧阳巧莹赞陈伟琪陈婉衡魔鬼身材：真的很恐怖和夸张
水著女神是哲学系毕业生，已经想不到，更离奇的是平时每张ig相都性感的她，今次不用性感，开心到眼湿湿，她说：“我好多谢监制罗永贤俾呢个机会，佢见到我拍啲剧全部角色都系性感呀、要姣呀，佢话俾个机会我做返自己，佢揾我做𠮶阵，我系感动到差啲喊出嚟，自己竟然有个发挥嘅角色，但唔驶我低胸，真系估唔到，好开心呀，监制见我想喊咁，都叫我唔驶太激动。其实我唔介意健康性感，但有时系over咗，上两年不停有人叫我著泳衣，我觉得冇所谓，但而家都3年啦，我都想少啲。”
除了今次《超时空男臣》演三妹外，陈伟琪多演性感兼贪钱的女人，但现实中，其实不太追求物质，她说：“我都唔买名牌，我著𠮶啲波鞋大部份系sponsor，其实未做呢行前，我喺一间律师行做，初时见工想做见习律师，但之后就做client relationship manager，我用钱唔多，或者呢个唔驶钱嘅性格先可以喺无线挨，做艺员𠮶种满足感系其他工俾唔到我，行出街有人叫自己做三妹，好开心㗎，而家收入当然冇得比啦，以前差唔多３至４万一个月，我可以俾一半以上屋企，自己驶一万蚊都好够，而家喺无线真系好少，我冇底薪㗎，６千蚊都冇，（三千？）三千都讲多咗少少，𠮶个月爆骚就有万零二万蚊，如果𠮶个月得一两个骚，可能得两三千蚊。”