森美大爆吴若希对住呢个人口才就好　丁子朗想了解Jinny感情世界

TVB新节目《今晚乜都拗》昨日（15日）举行拜神仪式，节目由森美主持，嘉宾有：吴若希、梁竞徽、丁子朗、戴祖仪、孔德贤、吴幸美、李旻芳等人。丁子朗、吴若希及森美接受《香港01》访问时，森美透露今次节目可以令嘉宾“口才”提升，可以跟haters及负评一拼。

森美更大爆吴若希的口才很好：“一个有口才㗎啦，唔使讲啦！只要个对方系佢老公嘅话，佢口才就嚟㗎啦！丁丁嘅反而冇咩口才。”口才不太好的丁子朗即表示担心：“今日最担心嘅对手系吴若希，同埋佢系正方我系反方。好惊啊！因为话说我见过佢口才好了得嘅时候。”森美立即安慰丁子朗，更指吴若希平时像“小猫”：“只要你唔系佢老公，就冇事㗎喇，冇伤害身体㗎喇！”

吴若希则表示自己跟“大王”安德尊一组就已经“先声夺人”胜了一半；“即系我系大王𠮶team㗎嘛，我已经赢一半啊，先声夺人咗啊你知唔知咩！”森美则指玩法有点不同：“因为我哋今次有班现场嘅观众，佢哋会决定跟唔跟佢哋嘅，所以并唔系牙尖嘴利一定赢嘅。即系好似你（丁子朗）咁，有个俊俏嘅脸孔，温柔嘅声线，有时佢话应该听我啦，咁大家就跟你㗎啦。”吴若希及丁子朗立即领悟了游戏的玩法。

吴若希及丁子朗被问到要在游戏中对决，会否怕伤感情，吴若希即表示他们是“议事论事”，丁子朗剧透了他们这一集的争议点：“其实我都想听下Jinny嘅point，因为今集嘅point我都觉得几特别，关于感情世界，所以我都想了解下…其实我有个point我好惊，我惊听完佢之后会畀佢convince咗。”原来丁子朗想了解吴若希的感情世界。而丁子朗被问到如果要与吴若希加上麦美恩辩论的话，他二话不说表示放弃：“我会自动放弃！”

丁子朗今年再被提名“最佳男主角”，吴若希立即大赞他“叻仔”，丁子朗则自爆有网民预测他是视帝最后五强之一，吴若希问他对手是谁时，他立即“笠水”：“唔讲唔讲，唔够胆讲！”

吴若希及森美被问到今年视帝心水是谁时，森美即说：“既然系企喺隔离我哋都唔讲佢个名呢，咁就唔够朋友啦！所以我睇好丁子朗！”吴若希带点“嫌弃”的说：“因为森美冇得提名，所以我依家唯一可以拣嘅就系丁子朗。”

虽然吴若希表面好像很嫌弃要选丁子朗，但其实对他都充满爱，亦大赞他：“丁丁好努力，佢唔单止系好温文尔雅、好孝顺，其实都睇到佢喺唔同嘅界别上，佢都好认真，所以其实我都几期待，睇多啲你做嘅唔同嘅戏。”非常“友”爱的他们更立即借势宣传吴若希的新剧：“奔跑吧的女人们”，吴若希即说：“错啦个名！”最后说了两次才说得对剧集的真正名字：“奔跑吧勇敢的女人们”