声梦小花入行2年冇工开 靠储蓄做兼职撑住：好迷惘

现年29岁的江廷慧（Vivian）在2年前毅然从加拿大辞去摄影师工作返港，参加无线选秀节目《声梦传奇2》 ，虽然最终落败，但她未有放弃，决定留港发展歌唱事业，追寻另一遍天。经过3年多工作量不多的日子，近年凭“PlanV” 组合为歌唱事业迎来曙光，令Vivian打下一支强心针。

Vivian今日（6/12）现身电视城出席《欢乐满东华2024》项目排练。提起决定留港发展歌唱事业，Vivian接《香港01》访问直言曾经想放弃：“我记得初初入行嘅时候，自己系充满希望，谂返起比赛嘅时候冇自己嘅耳机，就用自己嘅积蓄买咗个3千几蚊嘅耳机送俾自己，谂住之后会用得到，点知头两年几嘅时候系冇嘢做，𠮶段时间好迷惘，好似望唔到前景咁，我望住个耳机问自己系咪要返加拿大，加上当时妈咪都有劝我不如揾份正职做，当时心情系好煎熬 。经过一轮挣扎之后，我就同自己讲再俾啲时间自己，于是我就帮返加拿旧公司做兼职到而家，而家收入唔多，唯有悭住用，变咗而家可以继续做自己想做嘅音乐。同埋而家组成咗PlanV 之后，我部耳机系用得返，我系好安慰同好开心。”