薛家燕首次全英对白演迷你网剧　挑战双面人角色人前欢笑人后霸气

薛家燕首个英语迷你网剧《选美兄弟班》（RAGS 2 RICHMOND）将在12月6日于各大社交平台全球上架！《选美兄弟班》的主创团队有王梓轩、石祐珊及导演Simon Yin，剧集以温哥华举办的第一届男子选美比赛为背景，描写有关友谊、野心与娱乐圈秘闻的故事。

剧中，家燕姐放下一贯的慈母、搞笑形象，挑战“双面人”角色，实行演技大爆发。身兼主创人及主演的王梓轩说：“请得家燕姐嚟，我哋唔想浪费咗佢嘅演技，如果再要佢演‘慈姑’、‘好姨’呢啲角色，可能佢都会好闷，所以我哋谂咗个人前好开心、好欢乐，但系面对啲黑帮大佬又变得好强硬嘅角色畀佢。”家燕姐笑指角色好有型：“我觉得几好，梓轩想我嘅演绎同平时唔同，对我嚟讲系几特别嘅角色，我好开心。”

除了演技上的挑战，这次更是家燕姐首次以英语对白拍摄，她说：“好彩有梓轩提示我，要边演边记住啲英文对白，我觉得几好玩。初初我以为网剧简单啲、轻松啲，但系佢哋拍到好似电影咁，做嘢好严谨，感觉非常之好，我都学到好多嘢。”家燕姐指剧组台前幕后对自己照顾有加，整个拍摄过程很顺利：“佢哋会有人同我讲‘Nancy, five minutes will be your turn.’5分钟后真系拍得，完全唔会浪费你啲时间，真系好好。虽然而家温哥华啲天气冻咗少少，但系我觉得佢哋好温暖，因为佢哋个个都好Nice。”

这部迷你剧由王梓轩和钟丽缇女儿Yasmine（严书琴）主演，提到Yasmine，家燕姐大赞对方靓女又好戏，她表示能参与《选美兄弟班》的拍摄好兴奋：“因为个个都真系好好，Yasmine好靓女啦，其他演员都好好，事前功夫又做得足。同埋我自己都好耐冇嚟温哥华，今次见返好多朋友，难得可以聚吓旧。咁啱呢边又重播《皆大欢喜》，个个都好热情，又喺街叫我‘慈姑’，我都有返咗屋企嘅感觉。”她笑指虽然刚抵达温哥华两日，便立即开始试造型、背对白为新剧准备，但是见大家如此落力又热情，令她亦特别有朝气。

提到新剧的创作灵感，王梓轩说：“世界国地都有好多华裔小姐竞选，但系温哥华系‘华姐之都’，廖碧儿、钟嘉欣、李亚男、岑丽香等等都系喺温哥华选完，再返香港选国际华裔小姐。呢个地方就好似一个跳板咁，让好多有梦想嘅人成功追梦。”他又谓看中近年迷你剧于全球需求大增，期望《选美兄弟班》能够引起世界各地网民的共鸣。