【港姐2017】游生袁文杰外景拣女　睇好7号雷庄𠒇：佢多嘢讲咗

港姐外景来到第二日，12位佳丽先与袁文杰（游生）游览台北微风广场，后与TVB副总经理（节目及制作）杜之克、非戏剧制作助理总经理余咏珊出席Big Big Channel台湾制作中心开幕典礼。

游生对住12个佳丽几日，最睇好2号何依婷（Regina）及7号雷庄𠒇（Juliette）：“我觉得佢哋嘅表现都好出色，Juliette起初表现都系麻麻地，但系后来佢又放咗，多嘢讲咗、所以都几睇好佢。”问到游生讲波叻啲定拣佳丽叻啲，他说：“二拣一呀？我觉得两样都咁好㖞！讲波有咁多场，仲多不稳定性喇，同埋我觉得自己睇佳丽好准。”

问到Regina与Juliette到游生赏识，两人都好开心，不过Regina就好官腔，她说：“得唔得到冠军都唔重要，最重要今次嘅经验令我学咗好多嘢，呢啲经验都系终生受用，至少我已经系top12喇！”而Juliette就不断提醒自己就话：“听到游生同老师佢哋同我讲，要show off都尽可能系去show off 自己personality 嘅嘢。（惊唔惊广东话方面会令自己输蚀咗？）都唔会呀，呢排都系咁揾啲佳丽帮我去练。”