【是咁的，法官阁下】王君馨终做女主角　最紧要贴地：唔好老土

最近落实拍摄的新剧《是咁的，法官阁下》，除了剧名新颖搞笑之外，另一个卖点就是刚刚结婚的王君馨(Grace)终于第一次做女一！近排Grace演技大受好评，继《心理追凶》之后又有《超时空男臣》，现在准备又开新剧，加埋宣传，都无时间陪老公，会否被“诈形”？在接受《香港01》访问时她说：“虽然我哋而家见少咗，但点都多过以前一年见两次，所以见几少都好，同以前比都系一个好大嘅进步。大家都唔会诈形，因为都知道对方好忙。（一结婚就做女一㖞？）我哋好似互相旺紧对方，都觉得呢啲系神嘅恩典。”从言语中已经感受到他们那一种互相体谅的爱，难怪Grace十分安心继续在工作上拼搏。

今次新剧剧名大玩潮语，Grace又知否来源是甚么呢？她说：“个名点样得嚟呢…我就唔知，我要问吓监制先。（第一次女一有无压力？）今次第一次做女一紧系非常之开心喇，同埋都十分期待第一次同智贤合作，仲有关礼杰。其实我已经识咗杰哥好耐，因为《舞动奇迹》，𠮶阵系我啱啱入行嘅第一个大型综艺节目，杰哥好照顾我。同呢两位男演员一齐合作，我觉得我会袋到好多嘢入袋，所以都唔会话好大压力。我今次个角色系一个女主播，系一个内地女仔，亦去过外地读书，比较独立，成个世界都围绕住自己。又唔系一个好贪慕虚荣、拜金嘅女仔，但系非常独立同聪明。剧中同黄智贤(Ben)、关礼杰有一个三角关系，我系做阿Ben老婆，但成日都会同杰哥走埋一齐，系一个几搞笑嘅三角关系。”首次做女一就跟两大演技派大斗法，的确值得令人期待！

其实陈耀全做监制的剧口碑真的口坏参半，有人说他够贴地，但又有人说不够大众，未符合TVB受众的口味。Grace表示：“唔系剩系话TVB嘅观众，而家香港观众除咗会睇啲抽象少少，例如《超时空男臣》呢啲之外，都钟意睇啲剧集比较贴地，好似《亲亲我好妈》收视都好好，呢啲剧会比较接近香港人嘅生活。我觉得我哋公司有大制作，有啲小品无咁离地，观众睇落去就会觉得同角色关系好接近，就会有共鸣。我唔会担心收视，反而真系希望做到贴地得嚟又有正所讯息，但又唔系做到好老土𠮶种精精神神呀，身体健康呀，日日都好乐观咁就得，唔系要呢种。系要一种好真实嘅生活方式，每一个角色面对嘅嘢，最后用一种正面态度去处理自己嘅人生，呢套剧嘅角色正正就系咁。我觉得都几得意架，因为我都好少拍呢类型嘅剧集。”的确剧集如果够贴地是会更吸引观众，起码不要像某些剧集不断制造误会又不断化解那么无聊。

Grace还有对剧集有些补充，其实（是咁的）是年青人喜欢用的词语，刚好乎合在法庭上律师们向法官阐述的开塲白，亦可以容易让观众明白这部是以轻松写实为题，活泼又充满港味的励志律政剧！ 今次这部剧与以前律师剧不同的是，法庭在剧中是一个非要主要的场景，法官与律师们的关系是过去的其他剧里较为少见描写。