【夸世代】江美仪32°C著大褛拍剧　fb爆：前世做错事今世做电视

正在拍《跨世代》的江美仪，昨天在Facebook post上了一段跟黄智贤在雪中对话的片段。只看片段大家都会感受到那阵寒气，但其实昨日气温高达三十二度，两人还要穿著大褛拍摄。除了这一场之外，江美仪还要跟关礼杰拍婚纱戏，而且套婚纱还要是樽领，难怪她自己都说：“汗奔……汗流……万里涛涛汗水永不休……！”她在接受《香港01》访问时说：“真系热到啲衫都湿晒，同关礼杰𠮶场我要坐喺个地下度，可能因为个地气好重热气，我一坐落去就系有啲晃晃地，好彩工作一员俾个木箱我坐，隔一隔啲热气，我谂块地真系可以拎嚟煎蛋架！”

大热天时拍冬天戏的确够“攞命”，所以美仪姐都在每一个post上加上hashtag“前世做错事今世做电视”，由于十分应景和押韵，所以不少朋友觉得十分好笑。不过原来这句说话并不是今日才有，她说：“其实句嘢本来系‘前世做错事今世做亚视’，不过亚视执咗喇，改一改做电视又得㖞，咁咪照用啰！其实除咗我地演员，制作团队一样都系咁辛苦，因为场戏啲雪其实系盐嚟，啲盐俾太阳射𠮶阵会反晒光，好刺眼。最惨系拍完之后，有个扫地姐姐要一个人扫返晒咁多盐，好惨！其实都几唔好意思，不过无办法喇。”

其实除了今次要夏天拍冬天戏，美仪姐都试过另一种辛苦经历，不过就来一个相反，那一次是在极寒冷的天气拍落水戏，她说：“记得𠮶阵系拍《九江十二坊》，𠮶段日子系全港最冻嘅时候，我地要连续两日喺沙滩同泳池落水，真系冻到好夸张。我好记得系冻到陈锦鸿都有啲疯狂，佢𠮶阵突然大嗌一声：‘阿仔，阿爸揾钱系好辛苦架’之后就跳咗落水。𠮶阵拍一场落水之后我要即刻去冲个热水凉暖身，但之后又要再落过水，真系无份咁上下勇气都做唔到架！其实我觉得观众真系要欣赏我哋呢种刻苦耐劳，有好多时都剩系睇到我哋风光嘅一面，而睇唔到呢种辛苦。”其实无论演员还是制作人员，甚至是扫地姐姐，都有他们辛苦的一面，希望大家都会学美仪姐所说，欣赏他们的一份努力。