【多图】《开心速递》欣欣完美身型靠勤力　邵珮诗：日日饮五青汁

眨眼之间又到夏天，每个人都希望自己有个amazing summer。当然最直接的方法就出海玩水以及晒太阳，过返个热辣辣又开心的暑假。2014年香港小姐冠军邵珮诗，日前为TVB明珠台拍摄节目时，就藉住休息的时候拍下了自己性感的一面。

邵珮诗接受《香港01》访问时表示：“嚟紧夏天，个个都钟意去船P同晒太阳，所以就买咗新泳衣谂住enjoy下个好天气同顺便晒下太阳。其实你知啦，我本身都比较保守。前日拍水上电单车嘅部分，我哋女仔都著短裤同埋背心嘅。但系我哋2个女仔就想趁后生影多啲靓相，所以我哋著咗bikini影相。”相片张贴之后，不少网民都大赞邵佩诗身型非常之好，原来她对于身型方面有下过一番苦工：“特登𠮶期食多啲菜，生果吖，冇食泼粉质，蔬菜生果都系任食唔嬲嘅。”

邵珮诗更大方分享自己减肥 keep fit的方法：“唔好特登去畀咁多压力自己去减肥。因为当你畀咁多压力自己嘅时候，你反而唔会想做𠮶样嘢，而最后个身型反而会冇咁靓。所以要用轻松啲嘅心态，同埋转下lifestyle嘅习惯。”心态之余，其实饮食也十分重要，她说：“我呢排都系夜晚成日食菜同埋下午茶唔食，朝早同lunch其中一个食多啲。会食火龙果，木瓜啦 (应该对上围有帮助嘅)，仲有苹果啦，菠萝。我仲会自己做五青汁，我爹地都会帮手搾俾我饮。”(咁运动呢?)“每次跑步我谂都最少35-45分钟，仲有30分钟通常会做啲伸展活动。例如踩单车咁。”
原来keep住个身型真系咁多学问，今次真系长知识了。

邵珮诗自己在IG也说，至相片post出之后，一日之间就已经多了几百个followers。所以她也说：“我谂今次反应咁好，我迟啲都会耐唔耐post呢啲靓相再畀大家睇下。”嗱，各位巴打识做啦，唔使我教啦挂？