王贤志投资400万拍真人骚预回唔到本　拒公开招募怕惹渣男、骑呢

王贤志（Vinci）主持嘅恋综《仔仔一堂》前年在J2未播已引起极大回响，有人抨击他鼓吹同性恋，到播出时，参赛者受到恶言攻击。不过以上种种都未有令王贤志却步，自资400万拍摄新一季《Boyscation Too》，并选择与Viu TV合作。至于点解唔选择传播性更广嘅YouTube，除了情义结外，王贤志认为电视节目有一定标准、要求，特别系LGBTQ这种题材，能够播出街证明有其认受性。

访问中，王贤志多次提到要做一个男男恋综十分吃力，除咗资金、制作外，拣仔亦十分有难度，更笑言如果要自肥的话，完全唔需要搞咁多嘢。“如果唔系变态同疯癫都做唔到，如果唔系呢两个特质都无可能做好，今次起码拎400万出嚟，预咗回唔到本，但我唔会当佢生意，因为生意唔系咁做。只可以话好有满足感，因为有啲已经唔系钱或能力问题，而系我喺同志圈咁多年，去揾仔仔有说服力，咁先会揾到啲优秀啲嘅人。”

《Boyscation Too》10位参赛者，有医生、企业策划顾问、理财顾问、药剂师，大部份都系专业人士，王贤志说：“想大家知道喺自己身边，无论咩各行各业、咩阶层、年纪都有好优秀嘅gay。说服大家用咗好多唇舌，因为愈优秀愈唔需要行出嚟，我好哋哋做医生，做咩要话俾人听我系gay ，去承受别人嘅白眼？其实呢个节目佢哋无钱，我得车马费俾佢哋。好开心大家肯行多步。”为免拍摄期间变卦，王贤志一讲同大家讲明节目出街后或会面对嘅舆论压力或攻击。问到如何优秀嘅仔仔哪来，王贤志话为大部份都系自己所认识。“自己几叻，咁多年都识到新朋友，仲会出嚟蒲，我落亲去基本上我系全场最大年纪，有啲参赛者我可以生得出。一系识得一系朋友介绍，最惊系毛逐自荐，因为你唔知佢系咪想出位，又或者如果公开招募，会有好多骑呢，我唔系《残酷一叮》。”

20岁Kurt是众多参加者中最年轻一位，来自广州嘅佢本身系一名网红，王贤志因为有追踪对方，在开拍节目前发现对方刚好来港自由行，于是以工作为由约Kurt出来食饭，不过因为年纪差异，Kurt并不知王贤志艺人身份，饭局中借尿遁去洗手间Google后，才答应参加拍摄；而众参加者年纪最大嘅Antony ，本身是王贤志多年好友，一直在澳大利亚过半退休生活，机缘下返港得知王贤志筹备《Boyscation Too》于是自荐。“我都有提佢要有心理准备，因为年纪系最大，但佢话可以呢样嘢带出信息。就算系gay，都唔应该歧视年纪，呢个喺节目都有讲。”

王贤志与丈夫Kevin由拍拖到结婚至今15年，感觉稳定。 不过他坦言二人嘅相处至今仍是一门学问。“结咗婚唔代表会风平浪静，男女结婚有埋小朋友，都可能去到4、50岁离婚。最紧要互相信任，我有咩都叫埋佢一齐出现，今次好多人佢都识，因为我嘅朋友都系佢嘅朋友。佢虽然唔系成日出嚟，但我有咩都要同佢讲，尤其说服佢哋去拍摄时约食饭，我都约屋企附近，到拍摄时佢系知道晒整个过程，啲片我又系畀佢睇先，佢可以用观众角度去睇，而佢又真系俾到啲实用嘅意见。”

Kevin爱下厨、种植物、养狗，而这些都是王贤志以前不会接触嘅项目；反观因为自己爱规划，每次旅行Kevin都只会问目的地，其他一概不理，一凹一凸嘅性格正好互补不足。 “我系好钟意理论，而佢系好唔钟意讲，加上脾气系1至100𠮶只，再迫佢就会发癫，我以前会因为咁好嬲，后期我识得冷静，我早年做电视，对屋企人、朋友用啲好串啲态度去讲嘢，我而家收咗好多。”