VIVA分享上瘾经验　Carina曾为见Taylor Swift即日来回新加坡

女团VIVA第三首派台作品《Morning Call》正式上架，全新曲风令四位成员Ada（姜咏鑫）、Carina（李晞彤）、Macy（马思惠）跟VALC（张鈊贻）的声音辨析度提升不少，港式清新风格的编曲轻快有力，甜蜜中带点青春活力。

新歌曲风明显跟之前在韩国录制的两首作品《Topic Killa》及《DTR》有不同，四人表示唱法亦有所改变，以sweet为主，Ada大爆录音时自己长期被监制“督促”，“佢成日叫我：‘笑！开心！唔够sweet！’咁样，哈哈，所以我长期喺录音室入面，我真系谂住一个开心嘅早餐，然后笑住去演绎呢首歌。”舞蹈方面，四人坦言有进步，队中主音Macy向来跳舞比较弱，这次不少网民大赞她有进步，为她打了一支强心针，“我见到有人comment话我第三只歌跳舞有进步，希望大家下一年再赞我唱歌又好咗、跳舞又好咗啦、表现力又好咗啦，所有嘢都好啦。”

歌曲简单直接描述恋爱时忐忑的少女心事，又以咖啡因比喻对喜欢的人上瘾，问到VIVA有否试过对人上瘾，Ada曾对《怪兽公司》的角色“毛毛”上瘾，“可能因为一开始佢嘅形象好吓人，但其实佢内心系好温暖嘅人，佢好细心，呢一个系我俾佢charm到嘅一个位，所以我大个咗之后，我对人或者睇嘢都唔会净系睇表面。”而从小喜欢Taylor Swift的Carina曾试过即日来回飞新加坡看她演唱会，“𠮶阵时准备去韩国training，Taylor Swift嘅演唱会都系同一段时间举行，同公司沟通后有档期，于是我就飞咗去新加坡度睇，即日来回咁返嚟香港。”

不过最疯狂要说是VALC，曾有一段时间对漫画《排球少年》的主角之一“月岛”上瘾，更对他无限FF，“我会上网买佢件波衫，但唔知点解要买，因为我冇乜着过；我又唔知点解夜晚真系会系咁谂住如果呢个‘月岛’系一个真人嘅话会系点样，希望佢可以变真，哈哈！我系咁谂住佢，觉得我喺呢个咁嘅situation嘅话佢会点样做呢？好多呢啲FF，哈哈。”而歌曲当中Rap嘅部份，再次由VALC主理，灵感亦全凭她的FF，“我系Imagine如果有一个伴侣同我一齐起身嘅话，我会想点样讲呢？但同时间我又想型型哋讲呢句说话出嚟。同埋我个Invision就系佢要返工啦，但走之前你都要记住轻松啲，就系Before you leave, please celebrate，即系我希望就算今日有乜嘢工作、有几攰都好，我哋都记住要开心、要玩。”

临近年尾，总结一下过去一年的表现，VIVA直言有不少得着，唱歌及跳舞都有进步空间。Ada直言感觉比之前轻松，因为开始熟习录音模式；Carina表示未入公司前，所有事情是自己一手一脚去做，加入公司后，最初以为很多事情需要公司作主导，“但原来公司系会畀好多空间我哋去自主处理、好愿意听我哋00后嘅意见，亦有好多parties帮忙，再学识team work，要放手畀人哋一齐做，唔可以自己一个做晒。”VALC对今年的表现满足，“见到大家对跳唱嘅成长，可能大家一开头跳唱系唔够气，而家好好多，稳定好多。希望下年会更好，继续各自发掘自己擅长嘅曲风、擅长嘅style。”Macy笑言自己最大的进步是身体健康，“对于第三只歌嚟讲，我系冇病冇痛。因为之前成日脚痛、头痛，唔知边度痛，但嚟到第三只歌我好健康，我最大嘅进步就系身体健康，所以喺度祝大家身体健康，哈哈。”