麦紫莉踩入书展谷写真　10外籍保镳护航：公司想保护我嘅安全

自称准备下个月出发到日本拍AV嘅麦紫莉（Chili），今午在10名外籍保镳的保护之下现身书展，唔知真系以为咩巨星嚟咗。Chili都话有啲受宠若惊，“因为篇报道出咗好多香港人都讨论紧，公司都想保护返我嘅安全，始终书展都好多人。”现场所见大部份围观的都是男粉丝，而Chili现身时都好克制㗎！

讲到Chili即将为ViuTV担任清谈节目主持人，她表示未知道详情，“其实我最担心自己嘅口才， 大家都知我口才唔系特别好，咁我希望多啲training。”讲到ViuTV有好多较有话题性的节目例如《啪啪声太好听》，Chili就话自己都有睇，“我觉得系几有趣嘅节目，其实我任何类型主持节目都可以接受。”提到日前有报道话原来佢最初想以歌手身份入行，而现时公司已安排她录两首歌，问到可否即场清唱几句？Chili就面有难色，“吓，要练下先㖞。”嗯……咁唯有等佢𠮶两首新歌推出喇！