无线曹思诗出写真 唔赞成拍AV揾钱：俾屋企人见到都丑怪
撰文： 温菁莉
出版：更新：
今午于深水埗举行嘅Bubble写真祭除了有首位到日本拍摄AV的麦紫莉外，还有曹思诗及林雅诗宣传个人写真集，但她们两位嘅风头当然比不上麦紫莉喇。现时系TVB部头约女艺员嘅曹思诗接受访问时就话完全唔识麦紫莉，但就知道对方下个月出发到日本拍AV，仲好霸气咁话，“完全唔知有呢𠮶人，佢系拍先算啦。佢去日本都唔知佢系拍MV定AV，你哋记得送佢机！”
听曹思诗一番言论好似觉得对方拍AV有吹水成分，她笑言，“又唔好咁讲，宣传技巧啫。我够可以话自己去LA拍playboy。”她认为对方要认真考虑清楚先好拍，直言其实大把工可以做未必要选择拍AV，“如果话经济上有压力，唔怕辛苦嘅话其实好多工都可以赚钱。我觉得拍出黎，唔好讲全世界可能亚洲都有好多人睇到，俾屋企人见到都丑怪。”问到她有无曾收过邀请拍AV？曹思诗直言系日本旅游时有人派卡片俾佢，“我听到就一口拒绝左。几多钱都动摇唔到我。呢样嘢我希望系同最钟意嘅人发生，而唔系同全世界share！”
讲返今日嘅活动，曹思诗透露自己好早就已经到达会场，仲收到男粉丝送嘅一份礼物，“我拆开之后见到一条女性内裤同丝袜，拎起手就发觉有啲不明液体系上面，好恐怖！我即刻去洗手间洗手兼消毒！”佢透露之后会到书展宣传写真集，但服装就会比较密实，“始终有好多市民同小朋友，服装方面就会正经少少。”