《九品芝麻官》尚书卢雄因病急瘦　神级配音桃李满门：我责任心重

“嗱，今日嘅规矩呢，就系唔准讲粗口，唔准提人老豆老母，唔准提性器官。”这一句属于电影《九品芝麻官》中的台词相信大家都耳熟能详。周星驰的戏，他是主角够爆笑就众所周知，但其实有很多身边的配角都发挥得淋漓尽致令到电影再一次升华。《九品芝麻官》中的尚书大人就是其中一个，他的名字叫卢雄，原名卢健雄，但原来他并不是一个全职的演员，他只拍过几部电影，其实他是一位资深的配音员。

由1975年加入商业电台开始做DJ，之后以自由身身份在各大媒介做配音工作，其中最多的便是电影。在早前播出的港台节目《守下留情》中他透露，当时在佳视的年代其实主要做演员，但当公司倒闭后有好多导演走了出去，其中一个便是徐克。这些导演本身认识卢雄，于是当电影需要配音工作时便会找上他，有时也会找他玩一些电影，于是便有了尚书大人或是《回魂夜》中的卢Sir。而他认为最好玩的电影便是《回魂夜》，他在访问中说道：“𠮶套戏我哋成两个几月都喺将军澳，边幢大厦就唔讲喇，因为而家人哋住紧。𠮶时仲未入伙嘅，所以有时我会喺好高层咁嗌落去，两个几月晚晚喺度围住，黄一飞、黄智贤、星爷，个个好倾得埋又玩得。个个都围住喺度，有份拍就拍，无份咪倾计或者玩吓，好开心架呢套戏。”至于《九品芝麻官》便没有这支歌仔唱了，因为无得成班人围在一起。那一幕星爷将半个光酥饼交给他，以及在皇上面前飞苹果的戏，原来都是在香港的盆栽学会内拍摄。

正所谓学而优则教，卢雄亦开始展开他的教学生涯，他表示其实初初并不喜欢教人，他说：“因为又唔系好识，又要谂啲方法教到人，最衰我责任心比较重，唔系求其教揾食架嘛，你都希望教到啲人出嚟，要谂方法，所以我都几辛苦。之后谂到方法，又教到啲嘢俾佢哋，所以而家好多配音员都系我啲学生。其实任何人任何声都做得（做配音），因为一套戏有咁多角色，唔系把把都靓声架嘛，如果主角到茄喱啡都系靓声，咁会好flat，一定要有啲出入。好似我把声咁，我未做过靓仔小生，我专系配啲甘草，都能够生存喺呢行几廿年，所以唔系一定话bass on你把声好唔好。最主要系有无心，因为入行一定系人工平，你要挨，同埋而家好多后生仔一学咗少少就觉得自己足够，呢个好弊。首先你想入行要揾啱一个师傅，唔一定揾我嘅，因为我而家都无教。你要揾一个真系带到你入行，而家好多教到你嘢但未必带到你入行，真系水准高都好喇，如果佢行呢人脉关系唔系咁好呢都带唔到你入行。仲有啲系呃人嘅，所以大家要小心。”近年因为糖尿病已经甚少接工作的卢雄，《香港01》曾致电他询问近况，可能因为需要更多休息而拒绝接受访问，希望他早日康复，继续教更多好学生出嚟喇！