何太爆被何伯曾怀疑被屈食死猫伤尽佢心：问我系咪想攞多啲服务费

月前《东张西望》连续报道76岁何伯闪婚细46岁内地女的忘年恋故事，两人连月来备受网民热烈讨论，甚至成为了网络红人。何伯被网民批评咸湿老懵懂，何太又被狠批贪钱，但两人亦无惧大家的负评，更不止一次开直播与网民互动兼大晒恩爱。不过近期何太却多次在直播闹爆何伯，把她一手打造的贤妻彻底撕破。然而她每次闹完何伯之后，总会跟老公和好如初，今早两夫妻又再一起开直播。

何太为自己做第三者以及陀住BB去街市揾人食死猫的传闻澄清，她说：“𠮶阵时我同咗我老公 (何伯) 一齐咗成个月，第二个月就推迟咗一个礼拜左右无嚟M，我就同我老公讲咗一句啫，话唔知系咪有馅，唔知系咪怀咗BB呀，我老公都好惊讶，佢都唔相信，佢话‘吓，唔系卦，有咁快？’当时佢好防我啦，总之我老公佢系好精灵既，根本都系好识提防我啰。我只不过系嚟迟咗M啫，都无BB，就屈我话我陀个BB，听到我老公叫我去验DNA，我就惊到落咗去，边有呢啲事。”

何太续说：“我老公讲当时仲唔相信一个月就会有咗，我见到佢啲反应都好伤心，我𠮶时都有怀疑我有无睇错人，点解佢会咁既反应呢。如果佢真系爱我，就算个肚唔系佢既佢都会接受。佢最伤我心系佢话我屈佢食死猫，当时我真系晕咗一晕，当自己识错咗人。佢如果有几百万都睇我唔起架，系呢几个月佢落难原来我对佢系不弃不离，佢先知道我真系好人，初初佢对我都唔系好架。同佢同居咗7日，我计错日子系两星期，佢明明一蚊都无出过畀我，竟然问我系咪想攞多啲服务费，又激我一次。”

何伯就冧爆表白何太，兼激赞何太说：“我执到，我执福，多谢你老婆仔，我呢个老婆个心地百中无一架，佢又无呃过钱又无骗过我，样样都同我讲真心话，佢真心既。”