江美仪解构TVB合约制度何谓部头?视帝旧爱斋接广告已赚够可免拍剧

近日一条宣萱的旧片疯传，当时仍是新人的她在《K100》中，大胆质问高层为何歌手拍剧迟大到都唔使俾人闹，电视台艺员就唔迟得，一迟就会被教训。网台节目《娱乐好好玩》都有探讨这个问题，身为TVB艺人的江美仪，以及曾三度效力TVB的梁思浩就解释个中原因。详见下稿：

宣萱曾不满歌手拍剧有优待　却被爆90年代骚钱惊人数字高过谭咏麟

江美仪亦十分清晰地解构了各种型别的TVB合约，经理人合约分为包薪或不包薪，前者是每年有确保数目年薪，之后接工作接够这个数目，简单讲是“任砌”，再额外赚钱就当Bonus；后者则是TVB会做你经理人，你接任何工作都要经电视台同意，若有人接洽你的工作，TVB会帮你处理，不过由于一位经理人旗下艺人众多，加上“包薪”艺人是公司已预支薪金兼有佣分，所以经理人必定会优先处理他们的事务。

江美仪大爆，前花旦廖碧儿接广告接唔停，拍广告都赚够数，不用回TVB拍剧，“佢可以拍广告拍到唔使返去拍嘢㗎喇，填咗条数㗎喇，佢唔知包佢几多百万，佢净系拍广告都拍咗咁多百万，唔使返去做嘢㗎喇。”而当年她与视帝陈豪拍拖时，情侣档吸金力极强！因此，很多不包薪的经理人合约艺人都会想转包薪，但当然公司都会衡量你的市场价值，不是话签就签。

至于合约艺员（即没有经理人合约），江美仪就曾签这种约，她说：“我𠮶阵时系合约艺员，但系有乜嘢喺出面做，最简单就系我拍港台嘢都一定要问TVB可唔可以开工，佢唔畀都唔可以拍，我入咗TVB咁耐一个港台节目都冇做过。𠮶时我有月薪，唔系包薪，系包Show，出面有人揾我做电台节目，我唔使同佢讲，但系如果通常有人打去TVB揾江美仪，就揾唔到佢做嘢嘅，（公司）都系揾包薪嘅（艺员）先。”

梁思浩当年做《城市追击》主持，一年280几个Show，他就爆出一件发生在自己身上的真人真事，“个客见到你喺TVB做节目，就打去话揾梁思浩拍广告，佢哋会写晒资料先，咩广告呀，捞完价钱话转头覆，之后同佢讲梁思浩爆晒，问吴家乐你啱唔啱？”那是因为帮吴家乐接Job有佣收，若果客户对吴家乐无兴趣，TVB会再建议一些差不多路线的包薪艺人供客户选择。若对方坚持揾梁思浩，TVB都会谎称他冇期等等，当时是广告商辗转经其他人联络梁思浩，问：“你做咩忙到广告都唔接呀？”他才知道事件。

江美仪又说，有时TVB经理人更会用艺人叫高个价，比如说会问客户预算，然后表示：“江美仪唔得，佢话要收$400，如果你𠮶个价位，我有几个畀你拣，揾我嚟‘晾价’呀，揾下面𠮶啲啰。”希望试图说服客人拣其他符合预算的包薪艺人。两位认为这个做法也是在商言商，可以理解。

梁思浩说，有艺人的合约“断Project”计，即是以一个节目计，用集数为单位，包拍摄及宣传期。他说当年有唯一一位艺人都行这个合约模式，所以可以帮无线做完一个Project又去亚视做，然后又返无线，这位特别例子便是米雪。

江美仪续说自己签的是部头合约，一签签三年，合约期内要完成三套剧，分头、中、尾期，签约时会畀三套剧头期、开拍时畀中期、临尾再畀尾期；而剧集价又比综艺价高，她解释：“但系佢永远都唔用你𠮶套剧，因为你得一套，如果我而家用完你，唔知套剧几时出街。你一个唔该过咗去隔篱，咁咪尴尬啰？佢一定有好多方法定你唔会咁快断到住。”而她目前就正正剩余一套剧，笑言跟周星驰、古天乐同级。

梁思浩大赞，蒋志光去年7月出席《破毒强人》宣传，但其实当时他已跟TVB完约一年，不过待剧集播出后、做宣传时才正式公布，梁思浩非常欣赏，并说他有良心：“啲人问点解佢唔讲，佢话宣传埋先觉得件事Clear咗，觉得公道啲。佢其实走得，冇咗约，但又唔会接嘢做，成年唔做嘢等套剧出街。我好想赞蒋志光！”

破毒强人｜蒋志光离巢为改变　TVB困身：一路推剧，个意义又何在