方健仪开新频道寻人揾嘉宾 与“网友”聚会真身交流

方健仪日前出席本地护肤品牌“日月星辰”释出会，分享使用品牌心得。她笑指“全职炒散”即将十周年，护肤、美容比当年做主播更为着紧：“以前净系挂住报新闻，边有时间护肤？反而自由身后有时间‘锡’吓自己啲皮肤，仲不时有客户赞助，靓咗之余仲悭翻唔少添！”

虽然自由身工作，但方健仪比以前更忙碌，谂头多多嘅佢仲预告“大茶饭”：“嚟紧我会做新嘅访谈频道，要观众睇完有激励、鼓励作用嘅，嘉宾会以大家熟悉为主， 依家好似方东升咁样‘寻人’，希望揾到好嘅嘉宾同大家见面。”

提到“自由身”十周年，方健仪仲搞聚会同支持者见面：“啱啱我都搞咗个‘网友聚会”，我唔敢讲系‘粉丝’，因为我唔系一个偶像，亦唔想同佢哋有高低之分，大家聚埋一齐整乌冬，成个气氛真系好开心，老友记、年青人都参加，其实我一直对搞呢啲活动都冇乜信心，但系原来老、中、青嘅观众都比到啲信心我，所以决定用‘真身’同大家交流。”