庄韵澄爆离婚后首回应坚拒再受前夫威胁 力数前夫卑鄙手段与行为
现年42岁的性感人妻庄韵澄（前名庄端儿）本月26日突然发布律师声明，指自己与经理人吕成忠（Joe）早于去年7月起正式分居，二人正办理离婚手续。她又提到曾在不知情的情况下，儿子被爸爸带到台湾借此威胁她，更称自己饱受情绪勒索的惶恐、言语暴力的伤痛之中。
今日，庄韵澄再度于IG谈及离婚事件，她贴出一张在家中抱住仔仔的侧身照，发长文写道：“首个回应，我唔会关留言亦唔会回留言，只会统一回应吕成忠先生指责。既然吕成忠先生要发动群众压力及言论去讨伐我，我已经约好今晚第一位联络我嘅记者尽快去做个专访。吕成忠先生永远都系喺我唔知情况底下或背后做好多动作。如果想复合想做好老公或好爸爸请你正正经经去打份工，揾份要供强积金要交税嘅稳定收入。而唔系喺我完全供养吕成忠生嘅日子底下连负责分担我嘅工作都要计较，而我在未认识吕成忠生之前一样系冇固定经理人都系咁工作！只系我个人主观理想谂住两公婆一齐努力揾钱啫！唔好浪费大家时间！我就成就你所想！”
她续说：“要撕开肚皮去面对700万以上人，讲真我公开出得声明就预咗，我唔会再受吕成忠威胁，因为我系公众人物关系吕成忠先生每日用不同嘅存档去威胁我或声言公审我！我会勇敢去逐一回应我系人都有情绪都会做错事！一切都只系证明吕成忠先生点样去继续伤害我同个仔！虽然我冇吕成忠先生咁多计谋咁多设计但你做过闹过我嘅闹过我身边朋友嘅，唔多唔少都会有记录！吕成忠先生想用公审形式去伤害我唔紧要！但吕成忠先生一定记得一句说话赢场交输个家！至于有人用伤害人嘅方式，利用人哋嘅家庭纠纷去增流量及利益实属卑鄙行为！”
庄韵澄强调：“再次重申本人并无自杀倾向！如果要自杀早死咗唔使咁努力积极去工作！就算受尽天下人言语攻击！我都会以事实去回应！请吕成忠先生兑现你嘅誓言只要你讲一个大话以后都冇得见个仔！多谢你哋令我变得更坚强更勇敢！即使我孤身1人要面对你发动嘅一切事情，我仍然会坦然面对！毕竟哩件先系我人生大事！我系应该面对我嘅人生！我会继续我嘅工作继续去凑仔继续去陪我妈咪，继续见想见我嘅朋友继续出ig继续我精彩嘅人生！我记得自己好细个嘅时候整伤自己，伤口好痛时我会同自己讲，放心啦！好返呢就会唔记得咗当时有几痛！我会每日喊住同自己讲一次甚至更多次！但伤口一定会好返事情一定会过去！情绪同伤心一定有但我一定会好返！”