冼靖峰新歌讲18岁暗恋经历 遇返暗恋对象用8个字回应佢
撰文： 胡凯欣
出版：更新：
《声梦传奇》歌手冼靖峰（Archie）日前到新城广播接受谭玉瑛（阿谭）、何基佑、黄筠儿主持的《QK玉瑛室》访问，近日推出新歌《无意冒犯》的Archie，透露新歌是自己18岁时的亲身经历，“𠮶时我钟意咗一个女仔，用咗一年时间去追佢，我哋每日都会互传短讯，好似拍拖咁，但最尾我都冇开口，因为我觉得跨越咗条线之后，会连朋友都冇得做。”
何基佑闻言取笑Archie，他说：“咁你咪白白服咗一年兵役？”阿谭即谓：“咁又唔算，佢都冇serve人。”Archie再爆料，指自己因爱慕该女生，所以曾投其所好，对方的嗜好亦成为他的嗜好，“而且佢读书好叻，我都要叻，要追赶佢步伐；之后我入大学撞番佢，有问佢知唔知我当年追佢？佢话‘知，我等紧你开口咋’，不过问完后都冇再联络。”
入行差不多3年的Archie在圈中发展顺利，他亦展望将来，希望做到唱而优则演，“其实呢几年我都试咗好多嘢，有唱歌、拍剧、主持同加入男团，多谢公司畀咁多机会我。”然而，家人最初担心他三分钟热度，故极力反对他入行，“依家起码养到自己，短期内目标系推出多啲自己作品，尝试演多啲唔同角色。”