乐宜靠饮两杯壮胆示爱 ROVER想搞另类Fans Meeting
撰文： 钟冠全
出版：更新：
男团ROVER、Gillian Ng 伍倩彤、邓月平、Rose Ma 马俊怡早前出席音乐盛会，国际知名啤酒品牌亦有参与期中、电音女神乐宜为Heineken Silver 产品发布会站台，锐意推广年青市场客户。
邓月平表示最喜欢煞科后饮啤酒，除咗可以放松之外，仲可以趁机约好耐冇见嘅朋友，酒后吐真言，检讨吓自己不足嘅地方，以及如何做得更好，亦可以趁煞科宴同剧组团队好好谈天说地把酒言欢，增进感情，想饮尽兴又唔想肥一定选择Heineken Sliver Beer。
同场嘅乐宜都话啤酒适合谈心，笑指自己对饮酒有心得：“因为啤酒易入口可以慢慢饮，我发现人越大越唔敢讲真话，有时 饮几杯落肚反而会大胆啲， 我以前试过靠饮酒壮胆，去同男仔表白，不过最终都系衰咗，搞到同朋友一齐饮酒借酒消愁。”
Rose Ma 马俊怡就话自己系啤酒Fans，“通水”比追求的男士：“我最想去荷兰参观呢个啤酒品牌嘅博物馆，因为可以睇晒佢地嘅制作过程，如果有人陪我去又向我求婚嘅话，我一定会答应，因为去到一定会饮到醉醉地，应该会易话为啲。”
一向对酒有研究的Gillian Ng伍倩彤，笑言与朋友聚会的时候都爱饮酒：“女孩子聚会饮下酒会开心啲，不过怕醉唔敢饮太多。依家有低度数啤酒就可以饮得尽兴啲，唔洗太担心影响第二日工作。”
男团ROVER都话不时聚埋饮酒倾音乐，仲话饮完作歌特别好Feel：“我听啲前辈讲录音前饮一啖啤酒，会收干喉咙啲口水声，虽然我地未试过，但有时夹歌、作歌，饮少少之后有灵感，可能会放空个情绪，更代入音乐嘅世界。当然依家我地啲Fans仲细，如果佢地大个啲，约佢地饮几杯Jam吓歌，做啲另类嘅Fans Meeting。”