吴若希老公管接送女员工　第n次公审：趷起条尾就知你做咩啦

Jinny吴若希与老公何兆鸿（Alex）结婚多年，夫妻之间相处不时吵吵闹闹，放上社交网公诸于世。Jinny再次开火公审老公，贴出与老公对话截图，闹爆老公车女同事返工：“你趷起条尾，都已经知你会做咩㗎！”

事缘Jinny公开跟老公的微信对话，寸爆老公：“好x Sweet呀，仲可以同人一齐搭地铁返工！”老公Alex解释只是要对方签MPF，Jinny说：“真系好大嘅原因呀，叫佢签MPF，就要车人返工，又要陪人搭地铁，好XSweet呀，你唔好俾人影X到呀！”Alex反驳Jinny：“其实我真系已经好多嘢烦，我唔明点解我咁样我都要比（被）人闹，我唔同你讲闹我都正常，我真系做嘢，我之前几年做垃圾做唔到嘢又闹，我而家做正经嘢都闹！”

及后Jinny再交代事件的来龙去脉：“其实呢，女人呢系好敏感嘅，你趷起条尾，都已经知你会做咩㗎！今朝何生好积极咁话要车同事返工，俾我话完之后，好有骨气地讲，连车都唔揸自己搭地铁！我又唔知点解，突然间觉得佢应该系搭地铁揾佢公司同事，我Chok完佢第一句，佢又真系答我系Wor（㖞）！即系我自己都有公司，都有帮人哋供MPF，我依家先知原来MPF需要老板亲自攞文件俾员工签！男人呢，就好得意嘅，身有屎𠮶阵呢，就会话自己已经好多嘢烦，怪番女人唔体谅佢！”

近年已收火的Jinny罕多篇发文追击，更以黑底白字对Alex作最后警告：“作为太太，要提就提左GA LA（咗呀喇），佢选择尊重你，定系选择无视你，系佢嘅决定。有啲人会忍，有啲人会嘈，我呢，同呢个人相处咗八年，太清楚佢咁嘅回答系代表咩！所以呢讲埋今次，之后大家喺条街度见到佢同第二条女一齐，唔好大惊小怪，因为佢都系做嘢嘅啫！”