Pokemon Go一周年　许廷铿仲玩紧：多咗好多新精灵吖嘛

撰文： 何志衡
出版：更新：
Pokemon Go一周年喇！如果你仲玩紧都几长情。
+19

大家仲有冇玩紧Pokemon Go呢？呢只曾经令人茶饭不思、过马路唔睇车嘅手机游戏已经一周年喇！上年7月只game一出，连去书展都系望住部手机唔系睇书，你一定试过！艺人陈柏宇、佘诗曼、许廷铿、李蕴同杨秀惠都沉迷过，周秀娜仲喺只game未出之前就开live话带大家捉精灵，点知惹来网民嬲爆你又记唔记得？

道场争地盘相信好多人都玩过。

话咁快只game已经一周年，当时沉迷过嘅艺人仲有几多个玩紧呢？许廷铿原来仲玩紧㖞：“我得闲都仲会开下嘅！”佢又补充：“啲朋友有玩嘅时候，啱啱附近有只咩㖞，咁我又未有咪开嚟捉下，因为多咗好多新嘅精灵吖嘛，之前又储开，又未算好嘥时间咪储下啰！”而新婚冇耐嘅陈柏宇就话：“冇玩好耐喇！”另外庄思敏玩咗一个月就冇玩：“都储咗百几只精灵㗎！但系玩咗一个月就冇玩喇！（咁舍得？）我又冇打道场，冇所谓啦game之嘛。”唉！人类真系贪新忘旧呀！

玩Pokemon Go其中一样最开心嘅系可以帮精灵改名。
许廷铿话间中仲会玩Pokemon Go，仲知道多咗好多新精灵添。
陈柏宇可能挂住照顾老婆冇玩Pokemon Go喇！
庄思敏只系玩咗一个月就冇玩。
Pokemon GO一周年活动：戴帽版比卡超野外捕捉！郑欣宜笑言要许廷铿请食饭：佢转公司做咗一哥啦！