反黑英雄｜袁伟豪当年被嘲食软饭　认自我膨胀：人生需要呢啲经历

袁伟豪昨日（30/06）出席剧集《反黑英雄》的宣传活动，趁著星期日，他带同太太张宝儿和儿子一同出现。袁伟豪接受《香港01》访问，表示趁星期日一家人一同到处走走，并说：“一家人一齐去到边都得。”相当之幸福甜蜜！

袁伟豪透露，现时小朋友7个月大，但原来已经开始“返学”上学前课，他说：“主要系训练BB嘅身体协调，等佢可以早啲发展平衡，手脚肌肉，讲嘢。”即是想BB赢在起跑线？原来袁伟豪也考虑了十分多，他说：“冇办法，而家出面就系咁。唔咁样做就会畀同年龄快过自己，惊佢上唔到某一啲班，呢个系紧要。”他表示，工余时间都会帮手照顾BB，日间和太太分工，而晚上就有“姐姐”帮手。

网民指“残咗好多”　袁伟豪：其实我唔系介意

《反黑英雄》播出的时候，有不少观众于讨论区指，觉得“袁伟豪残咗好多”。对此，袁伟豪就十分坦然地说：“以前一年拍三套剧，而家一年拍一套，可能大家印象，譬如‘天堂哥’，都系（停留喺）童颜样。然之后，就见到我做《反黑英雄》。其实我唔系介意，我系觉得系正常，因为隔咗咁耐。𠮶时系三十几岁，正值人生最壮年时候，有气有力，挨夜又唔怕，可以𠮶时虚耗咗，所以而家拍《反黑英雄》又同时拍《法证先锋》，BB又啱啱出世，多多少少精神上都会差啲。当然年龄有返咁上下，都控制唔到。”

被嘲“食软饭”

早年袁伟豪与张宝儿拍拖和结婚后，不少网民都会嘲笑袁伟豪“食软饭”，更令袁伟豪出IG Story反击，但显然人是会成长的，而近年他的心态也改变了不少。再问及有网民重提“食软饭”的事，他先是回答：“系咩？我好耐冇听过呢啲嘢。其实我已经冇乜感觉得，我认𠮶个系过渡期，同埋𠮶时事业开始几好嘅时候，突然有一个好大转变，系令我好接受唔到，个世界观唔同咗。有一段时间我系沉淀咗，会对工作、团队好多疑问，的确𠮶时会有啲在乎呢件事，但系沉淀咗几年，BB又嚟出世，我自己又放开咗呢样嘢。”

坦然指系一种经历

他续说：“原来人生真系需要呢啲经历沉淀，沉淀之后再接新角色演出，原来又可以带畀大家另一种感觉。当然希望唔好成日都咁大起大跌，我哋需要呢啲经历，但系希望大家高擡贵手，系人都有感觉嘅。无论系断崖式衰老又好，呢个都系常态，人系会生老病死。”

认当年“自我膨胀”

记者问道，是否说“网民狠批反而帮了袁伟豪？”他回答：“都可以咁讲，因为讲紧事业起色，16，17，18，19年，讲紧喺之前都挨咗一段时间。当好多嘢都好好嘅时候，自己就会有一种喜悦感觉，甚至系自我膨胀，呢个系好正常人嘅反应。到我结婚，出到嚟原来有咁多应该，多少都会觉得好奇怪，所以，有呢啲经历自己都可以咁硬净企喺度，其实系一个福气嚟。”所以说，现在的袁伟豪真是可说想法成熟了不少，更可以说他已达到“百毒不侵”的地步。