朱晨丽拍新剧演“特技人”：如果刮花脸做有疤嘅角色就唔使化妆

筹备已久的《特技人》举行了开镜拜神，剧中演员都出席祈求拍摄顺利。而剧中饰演特技人的朱晨丽也以舞狮的大头佛出场，更加即场由4位猛男擡起，表演一字马。

剧名话明系《特技人》，就梗系有特技场面啦。主角之一的朱晨丽更是饰演特技人(即是俗称的替身)。她接受《香港01》访问时提到，这次拍剧很多危险场面：“我哋呢次系演专业特技人，将幕后嘅事拍出嚟，全部都系危险嘢。为咗呢次拍剧，我哋全部都有操fit。(点操fit ?) 我有举铁。其实冇返咁上下体能都好难挨到，仲有顺便减下肥。因为另一套剧《栋仁的时光》都需要瘦，布比较少啲。”(有冇危险镜头?) 我自己净系睇咗几场戏，未知太多。不过我有问过监制，佢话：咪指意乜都冇，乜都有，你谂到嘅都有，越危险越有。”

咦，拍咁多危险嘢咪有机会受伤刮花块脸啰? 但系朱晨丽又艺高人胆大话唔惊㖞：“冇得惊㗎，大胆啲做，一惊出嚟效男唔好，你惊工作人员仲惊。”之后朱晨丽更说笑道：“如果真系刮花脸咁唔好彩，都系一个经验嚟，唯有下次小心啲。又如果真系花咗，揾我做有疤痕嘅角色咪唔使化妆啰。”(咁你有冇买重保险?)“都有嘅，我相信公司有保护我哋安全。”
睇嚟朱晨丽这次瞓身演出，刮花脸都唔惊㖞。