AK 为个唱全面闭关　与Stanley齐为Frankie避走泰国传闻澄清

ViuTV今日（28日）为巴黎澳运举行造势记者会，MIRROR 、ERROR、COLLAR、ROVER、KC、Tsoul 等均有出席。

大表哥刚由日本返港，不过原来佢嘅病菌一直由巴黎带到返香港再飞去日本，连想同女友Alina玩韩剧浪漫桥段都被嫌弃。“我好有型㗎。（你点解唔同佢一齐遮埋？）可能因为捞咗啲香港味道，做错咗。其实我成日都做，譬如佢个袋好重，我话帮佢拎，佢话无嘢拎时 ，我叫佢拎我⋯⋯呢啲都系韩剧情节。”

AK开骚在即，他在台上拍照时不停谷胸，连大表哥都赞佢大只咗，他表示由“A-去到A”增肥成功，又笑言“两边加埋有佢一边”。早前AK曾剧透演唱会上会有高难度动作，令不少“生粉”担心，他表示为怕剧透，所以只能叫大家期待，并表示“我会小心”，而他近日去睇医生，只系因为知道将要迎接演唱会，所以想好好治理旧患。“今日之后就会闭关专心准备演唱会。（有无同Ian 互相打气？）早排佢生日有传讯息，佢话完骚之后再一齐食饭，我都有问监制细荣佢点，知佢如火如荼，大家都加油啦。”

而有传Frankie 避走泰国，AK表示不作多回应。“我只系知佢呢排喺香港专注工作。”而Stanley 亦表示前日见其经理人有跟Frankie通宵拍摄。