梁钊峰今年参加毅行者转跑山路　嚟紧仲去尼泊尔做探访试行高山

乐施会将于11月举行“乐施毅行者”，并首设40公里赛事，C AllStar成员之一的梁钊峰昨日（27日）出席记者会时指，自己近年已转跑山路，早前亦错过与安仔参加的机会，故作为乐施大使亦锐意参加今年毅行者，正招揽跑友参加，但笑言C AllStar四子“冇可能”一起组队参赛，更指安仔大呻参加毅行者好辛苦、好攰、好眼瞓，现只能另外再觅跑友共同进退，希望能一起经历特别的回忆。

钊峰又说，他将于6月底跟乐施会到尼泊尔，并探访当地家庭，亦有机会行上高山，很期待可以有深刻的体会，但他透露，自己早年去西藏时，曾出现高山反应，但高山反应难以预备，一旦不适只能硬着头皮死撑，“半途而废唔系我个人”，得到的体会有机会加入创作。至于自身发展方面，他表示，下月将会出新歌，现正在录音阶段，新歌是轻松地讲述陪伴，有别以往沉重的议题；9月亦会参演舞台剧，作为独生子的他首次饰演哥哥，期待可与剧中的妹妹刷出新火花。

钊峰被问到是否近年先转跑山：“系啊，跑山好恐怖啊呢个名字，但其实系越野跑啰基本上，就唔系路跑，有好多好趣嘅，例如可以睇风景，佢系唔同嘅锻炼嚟，同埋我觉得香港呢个地方系好适合跑山，因为好快由市区去到一个山点，系好快嘅，而毅行者就系麦理浩径，所有路段系好fine、好安全，亦都好正。”去年先开始跑山赛，个经验系点：“系好难忘，𠮶个系即刻想同我妈讲我得咗。”

钊峰被问到当时有咩冲动下参加：“因为平时我都有跑开山，可能大概8-16公里呢啲距离，我见到都好想揾嘢挑战下自己，咁我就报名参加。由乜都唔识开始，原来要带pole嘅，即系要行山杖，原来啲鞋系要咁嘅。山赛一定辛苦㗎喇，但你点样面对，同你得到啲乜嘢，有时候系会上瘾。”

钊峰被问到而家有冇做推广大使叫身边嘅friend一齐跑山：“我会同人讲，会抆啲跑开路嘅过嚟跑山，真㗎！有同佢哋讲？”而家有冇定期有班friend一齐跑：“顶多系一两个，真系嘅老实讲，我真系好少可系一大班人跑山，呢个系我暂时嘅目标，就系揾多啲friend，因为我唔定时呢，即系人哋得嘅时间我未必得，vice versa。”

钊峰被问到会否想做跑会：“有嘅，同埋跑会除咗跑之外，仲可以筹集到一班人去做一啲嘢，我未谂到，可能有啲更有意义嘅嘢可以做得到，跑会系可以有个team spirit。”着手筹备跑会：“我会啊，谂紧做，真系有嘅。”跑会目标跑山多：“系啊。”会参加毅行者：“系啊，其实今年真系好好，好似为我而设咁，我可以选择100km/ 40km，其实user-friendly啲，你问我，我就睇下根据我嘅工作schedule同训练状态睇下点，因为我都唔想好似睇阿雪咁，有意外又受伤。同埋我觉得紧要嘅系，唔系净系一个跑，4个人肩并肩，你要对得住自己队友训练啰，但我就觉得点都会挑战，做得乐施大使。”

钊峰被问到暂时倾向40定100km：“未知，我要同经理人倾下，同埋我觉得夹队友先。”Callstar 4子组队参加：“其实我之前真系毅行，试过有机会同安仔一齐同一队，但辗转之下冇啦，然之后，佢就同我讲毅行好辛苦㗎，但系都memorable，值得参加嘅。四子啊？冇可能㗎喇⋯⋯安仔系最有可能㗎喇，咁但系我哋嘅共同hobbies系打篮球，山路就⋯⋯我有问过㗎，但就真炆⋯⋯好老实，真系⋯⋯”

钊峰被问到平时有冇问过：“冇啊，join唔到啊，大家作息又唔同，咁可能真系啲⋯⋯物色紧，系一个共同经历嘅体验。”前期准备：“我谂要好tight嘅训练schedule，同埋夹开𠮶3个，因为我听闻上次嘅经验，即系安仔跑𠮶次，有人会起水泡，有人系会唔舒服，攞返呢啲经验去拣啲好嘅鞋先啦，然后比啲好嘅gear，同埋就系筹款，毅得就系筹款，同埋有support team，好多嘢要准备啊，谂下谂下就。”四子唔一齐join：“就support下啰，科水啰，直接科水啰。迫佢先，肯唔肯（跑）？唔肯唔紧要，科水啰。”

安仔100km冇参加，点解啊：“（一组）得4个人去，凸章，冇计啦。”安仔深刻体验后，唔敢再参加：“冇咁样再细问，𠮶次系辛苦嘅，但玩得毅行都系辛苦，最紧要系个过程同埋同𠮶几个队友嘅经历。安仔话，最攰系眼瞓，哈哈哈哈，系行到攰又眼瞓，咁但系又要完成㖞，咁你抖唔抖好呢？呢个都系个struggle啰。”

钊峰被问到近期有咩工作计划：“嚟紧好快就要出新歌，6月中至尾，而家系录音阶段啦。近排就接咗个自己要好多准备嘅工作就系舞台剧，系challenging嘅，因为我之前有一堆音乐系关于遗憾，𠮶个舞台剧都系关于遗憾嘅，然后我身份系哥哥，而我自己系独生嘅，我未试过做啲咁伦理嘅嘢，（以前）就有情侣线，但我未试过做哥哥，而𠮶个cast𠮶个人都几适合做我妹妹。”之前有冇做过舞台剧啊：“有啊，但呢个摆明系纯正剧到不能，不能谈笑风生啦，睇吓点样handle，亦都遇到个好导演，嚟紧就除咗要搞毅行，就系要排剧。嚟紧去尼泊尔，就系6月尾最后一个礼拜，咁都去一段时间，因为除咗扶贫嘅嘢，要去睇乐施会嘅工作如何啦，仲要因为尼泊尔喺2015年地震过，我哋就会睇返15年震后重建嘅嘢，同埋点样防范天灾。因为尼泊尔始终都系好穷，但佢哋精神嘅富足系好好，因为佢佢哋有宗教信仰又成，同埋我未试过去尼泊尔，我就做足准备打齐针，同埋预咗有好多高山呢个trip，会睇验一下。其实我之前去过藏族地区，行啲好高嘅山，特别系3000海拔𠮶啲，我唔知今次有冇咁高海拔嘅嘢，咁我之前都真系有高山反应，冇计㗎喇，都唔关你健唔健康事，系有冇反应啰纯粹，但呢个trip系势在必行，我好想去呢达地方，我好想去体验，同埋我好想同乐施会去经历，知道佢哋点样去工作，我有时觉得，讲系不及睇咁有说服力啰。”