英皇新女团“VIVA”首会晤传媒　九头身美女成员真身终极曝光

英皇娱乐继Twins之后，相隔23年，强势力捧新女团“VIVA”，四名成员分别为：姜咏鑫（Ada）、李晞彤（Carina）、马思惠（Macy）及张鈊贻（ValC）。今日（27/5）新女团“VIVA”首次派歌，英皇高层Mani（霍汶希）亲身陪同现身黄埔新城电台宣传新歌，连线受各大传媒访问也全程旁实，相当贴心。

对于首次会晤传媒，女团“VIVA”中有“九头身美女”之称的Carina（李晞彤）受访时表示：“今日一开始嘅时候系有啲紧张，但做咗唔同嘅访问之后，我哋4个就好精神。（Mani要求好高，点面对呢种压力？）我系会不断咁准备自己，同埋佢而家系有见到我同Macy有变化嘅，因为我哋两个系长期减肥组。（Mani有冇话唔俾拍拖？）其实我哋公司冇呢样嘢。”（Mani喺度你唔敢讲！）Mani接着说：“其实我又冇话唔俾拍拖，我都系要佢磅重啫。其实喺任何情况下，只要拍拖唔影响事业底下，系OK嘅。（影唔影响好难拿捏？）其实又真系好难拿捏㖞，咁佢哋自己就要自己谂吓。而家佢哋年纪都好细个，20岁到24岁，我觉得佢哋呢个系黄金时间，而佢哋自己又决定做女团，就要将呢个事情做好。（需唔需要打侧手翻？）系舞头发同练后空翻。”

被问到每位成员是否需要背景审查？Mani表示：“我见佢哋嘅时候，第一我要睇佢哋有冇观众缘，第二我就要睇佢哋嘅背景，因为而家做艺人都要知道佢哋本身自己嘅心态，始终呢行出道好容易，但要一直走落去系好难，变咗我会透过倾谈去了解佢哋多啲。”

被问到4位女成员边位较为倾得埋？Carina率先抢答说：“其实我哋4个都好平均。”Mani杀她一个措手不及说：“唔好扮嘢啦，梗有啲倾得埋啲啦！”Carina笑说：“真系个个都啱倾，不过Macy近排就住埋喺我屋企，咁我同佢又会一齐减肥，而同Ada本身都系好好朋友，而我同 VaIc喺玩乐嘅时候已经好有默契。”