麻甩妈咪｜Frankie首次挑战爸爸角色　Tiger预告开骚再唱谢霆锋

MIRROR成员陈瑞辉（Frankie）、邱傲然（Tiger）今日（26日）出席MakerVille剧集《麻甩妈咪》开镜拜神，今次是Frankie首度挑战爸爸角色，与余香凝做夫妻。今次Frankie与Tiger对手戏不多，只得一两日，Frankie对于首次做爸爸觉得好得意，又大赞饰演自己儿子的小演员王玮程：“做我个仔个童星非常之活跃，佢又好多嘢讲，喺片场又冇时，但系佢真系好犀利，一话要Roll机佢就即刻变咗样做戏，跟佢学到好多嘢！（应唔应付到？）虽然佢好动，但系好乖好专业，原来咁细个嘅演员都好专业。”

至于Tiger则饰演浪漫车房仔，是痴心情长剑，他说：“我个角色系好可爱嘅一个角色，对喜欢嘅人同喜欢嘅事都系痴心一片，为你好，好浪漫。（咁咪好贴近你现实？）我系好美满㗎 。”他说角色比真人更有活力，又会有追求沈贞巧（阿Gao）的戏份。

两位与部份队友、ERROR及韩星Jessica将于6月8日开Show，又要忙开剧，幸好有喘息空间。ERROR的Dee表示自己近日密锣紧鼓排舞，Frankie说自己都睇过优先版，Tiger更形容对方用生命跳舞。至于两位要如何迎战，Frankie就指会唱自己的首本名曲《皮思苦》，由于想带新鲜感畀观众，所以会改编这首歌，跟之前巡回演唱会的版本不同，Tiger亦说他的首本名曲《Alright》都会跟之前有分别。日前二人与杨乐文（Lokman）、王智德（Alton）在《CHILL CLUB》翻唱谢霆锋的《曝光》令人惊喜，Tiger透露开Show都会再挑战霆锋其他歌。

Frankie近日在Threads自贴黑图，透露一月排练演唱会时其实生唇疮，表示：“𠮶排冇乜时间瞓觉，成日都忙，MV排舞又攰，今次应该都有啲时间嘅。（见你知自己生唇疮上新闻好意外？）系呀，最意外系因为我半年前生，而家先上新闻，我以为有人睇到，我下次早啲讲。”