郭政鸿内地酒吧登台被指耍大牌　强调跟流程走：根本就唔系黑面

现年59岁的郭政鸿今日（15日）出席医疗活动，在活动上其和陈山聪双剑合璧挥打舞狮战鼓，相当厉害，看到现场人士拍案叫绝。而在接受《香港01》访问时，谈及早前其在内地酒吧登台被指疑耍大牌黑面一事，他就强调根本没有这回事，还详尽还原当日发生的经过。

郭政鸿被问到有没有做体检的习惯时，他即二话不说：“有㗎，始终每年一次安心好多。（身体有冇检查出咩问题？）托赖啦！还可以。（自己系唔系讳疾忌医嘅人？）之前都有，但系我而家觉得check咗有咩问题都要对症下药，如果恶化咗仲大件事。（都会叫屋企人去体检？）都会㗎，check吓安心好多。”

而提到早前其到顺德一间酒吧登台，被网民指从落车走到去背景版过程中笑容欠奉，引起耍大牌疑云，对此他就强调没有这回事：“梗系唔系啦！因为一落车要去到背景版，我哋每一次做嘢第一件事就系要行去𠮶个位。另外𠮶个系夜晚嚟，我哋有条楼梯系前面，所以要专注一定要向前行，行到背景版先至影相。”他续说时再三强调一切都是跟流程走：“因为架车一到嘅时候，我哋对𠮶个位系陌生嘅，‘郭生向前行’我哋听到佢讲之后我哋就望住𠮶个位就向前行，人哋同我哋打招呼我哋系唔会理住，因为𠮶个位黑，有咩问题会撠倒，咁就好麻烦。去到一个陌生嘅地方、场景，会加配小心好多。其实根本就唔系黑面，根本系我要行去，揾嘢嚟讲啫。”他表示看完新闻后得啖笑。

续问到在内地出席酒吧活动会不会觉得有危险性？他就表示：“唔会，而家啲人好多都系唔会乱搞事，你知唔知而家一拉即拉㗎，边个搞事即拉㗎！对打交好严㗎。”又指自己已习惯内地登台模式，跟着流程走就可以。