谭旻萱打篮球被嫌狼死 　比赛曾遭批踭险毁容：觉得自己会玩完

谭旻萱（Mandy）最近获护肤品牌垂青，拍摄品牌全新防晒系列广告。广告以打篮球为主题，Mandy跟男演员在场单对单较量，一有篮球在手，Mandy马上精神抖擞进入状态，全神贯注跟对手对打，谁知导演见Mandy打得太忘形，因面部表情太“狼死”而被叫停，惹来全场大笑！

Mandy笑说：“我好钟意打篮球，所以每逢工作时要打篮球都会觉得唔似做嘢，系好开心嘅。最搞笑系导演觉得我打波时个样太凶狠，因为自己太投入冇注意到。”谈到打篮球，Mandy开始滔滔不绝，更忆起初入行后比赛时险毁容的经历，她说：“之前曾经同啲叔叔打波，对方要护住个波，就批踭批到我个嘴，撞爆咗个嘴，当时我都好痛，仲有喊，但我唔系因为痛而喊，而系惊毁容，觉得自己会玩完，要另谋生计……好彩爆嘅系嘴唇入面，自此公司就严禁我打波打得太狠，其实长大后我个人系文静咗，但系打波习惯偏狼死，有啲难改。”

最近Mandy积极增值自己，疯狂做gym、跑步、学戏与学武术等，为迎接新挑战，她说：“为之后嘅工作做好准备，嚟紧会有新挑战，一直上紧堂学紧嘢、勤力啲做gym，饮食都要节制吓，食得清啲，都想减吓磅，减吓而家嘅幸福包包面。”