王青霞听到李龙基唔要佢心情低落 基哥庭外再发誓：我系唔会变

李龙基未婚妻王青霞（Chris）被控为取得入境证而作出虚假陈述、使用虚假文书等六罪，案件今日（16/4）于沙田裁判法院提堂，李龙基亦有到庭听审。控方在庭上申请加控被告第7条罪名“违反逗留条件期间接受工作”。辩方申请案件押后，希望有足够时间索取相关文件，获控方接纳。法官将案件押至5月28日再讯，被告继续还押。

李龙基离开法庭时，被问到今日身穿紫色恤衫听审，用意希望王青霞在人群中容易识别？基哥不断喘气激动落泪：“系呀⋯⋯⋯等佢见到我，等佢安心啲。”情绪一度失控，需要记者从旁安慰。李龙基步出法院继续接受访问说：“头先佢喺庭上见到我，其实佢每日都要见一见我，呢两个几月我每日都会去见佢，除咗我上去广州做嘢之外，日日都会去探佢，都系想佢安心啲。因为有次佢睇到啲报道话我唔要佢⋯⋯⋯我要俾佢知，我唔会唔要佢，我对灯火发誓，我同佢讲唔会，我叫佢唔好睇人哋啲，𠮶啲系乱咁写，我系唔会变嘅。而家案件都交晒俾律师处理，变咗而家我哋都做唔到啲乜嘢。”