黎明诗设灵｜唐礼球忆亡友昏迷林志美床边唱《偶遇》：想开眼
撰文： 吴子生
出版：更新：
歌手黎明诗上月28日不敌癌魔睡梦中离世，终年58岁。丧礼今日（15/4）于大围宝福纪念设灵，让亲友作最后道别。下午5时半，黎明诗生前好友唐礼球受访时表示：“其实系佢病紧时候，佢已经用尽所有方法去治疗，佢系好积极咁去面对，但到后期佢自己亦知道自己个情况越嚟越差，好多朋友都去医院度探佢，到佢昏迷嘅时候，林志美同好多歌手不断喺佢身边度唱歌俾佢听，希望不断咁同佢打气，但当大家围住佢唱嘅时候，佢系好有反应，对眼不断喺度跳动，想开眼，而个口亦喺度郁，尤其佢听林志美𠮶首《偶遇》歌曲嘅时候，佢系好大嘅反应，因为佢系好钟意呢首歌。虽然佢都系擘唔大对眼，但佢嘅反应系话俾我哋知佢系完全收晒。”
莫镇贤续说：“我觉得师妹（黎明诗）好有福气，因为佢身边有一个好嘅伴侣Kelly，因为我相信好多伴侣都到唔到，由事发一直到陪住佢，带佢去好多嘅国家去寻求治疗方法，直到师妹行唔到，Kelly都会揾尽方法，无论几多钱，只要令到师妹舒服，瞓得到，佢都会带住佢去，我觉得佢对师妹真系好好。”