甄妮批冠军古淖文油腻夸张音不准　罗启豪不认同：我听唔到

罗启豪今日（2/4）现身黄埔出席新城电台访问，提到有“乐坛风纪”之称的殿堂级歌手甄妮，日前在社文平台发文暗讽无线选秀节目《中年好声音2》决赛晚，获全体评判爆满分夺冠的古淖文：“给满分～笑到找牙”、“一把火～烧到～不停音不准，只怪火太大了”、“哈哈哈，晚宴～我被古冠军放在他手机里带回家了！哎呀”。

罗启豪接受《香港01》访问时表示：“其实当晚嘅三甲人选我系估中，但次序有啲唔啱，我心目中冠军人选系谭辉智，可能我同佢合唱过，所以认识多咗，我都系希望佢攞冠军，但其实三甲同其他参赛者，全部都表现得非常之好。我都要向佢哋学习。（古淖文系咪咁犀利攞满分？）其实佢𠮶个必杀技《Feeling Good》，真系好犀利，佢一开声真系令到人目定口呆。（甄妮批佢好多音都唔准！）咁其实我听唔到，我谂每一个人听嘅嘢都会有啲唔同嘅。而我就觉得佢做得好好。”

被问到甄妮此番言论会否为古淖文造成压力？罗启豪续说：“咁甄妮姐姐佢系一位好有经验嘅前辈，佢亦都有自己嘅见解，咁我就觉得意见系可以听嘅，无论好与坏，如果对你有益嘅呢，可以吸收吓，就算负评又或者咩都好，始终都会令到自己成长。（你参赛时都有唱过甄妮歌曲《奋斗》，对方有冇批评过你？）哈哈，佢冇评论过我。（你唱得好，所以冇！）哈哈，可能系。”