林伟透露秦煌将康复出院　终寻获其家人：呢个重担交返畀佢哋

76岁的前无线（TVB）资深艺人秦煌，凭经典剧集《射雕英雄传》饰演老顽童周伯通一角深入民心。早前有报道指他在酒店房间不慎跌倒受伤，最后送往医院治理，现需留医观察。

今日（29/3）林伟现身油塘出席无线剧集《逆天奇案2》宣传造势活动。对于经常照顾独居酒店的秦煌起居饮食，有情有义，林伟接受《香港01》访问时说：“其实有时候如果时间上我配合唔到，帮唔到佢买嘢，我都会叫佢等等先，而佢都唔会勉强嚟，大家都系戏行都会知。（网民觉得你系佢半个监护人！）其实最近我已经联络到佢嘅屋企人，而佢屋企人都已经去过医院探望，而呢个重担我已经交返畀佢哋嘅屋企人，始终医院方面好多嘢都要同佢家人沟通，而我身份系朋友关系，又唔系咁合情合理。寻晚佢打过畀我，佢都好精神。之前佢同我倾电话嘅时候反应系好慢㗎，佢同我讲佢就嚟会康复，迟多三几日就会好快就会出返嚟。（上次探佢咩情况？）上次见佢话自己只脚有啲痛，见佢右脚小腿有啲肿胀。（话佢只脚要扎绷带，好似糖尿脚！）唔出奇，佢年纪大，都会有三高，最紧要有适当嘅治疗。（有冇帮佢洗伤口？）我冇睇，因为我唔识，我帮佢唔到，呢啲要护士先帮到佢。（类似糖尿脚？）系，类似系糖尿脚。（话佢唔戒口，都钟意食零食！）而家佢要戒口啦，医院同康复中心都唔会畀佢食。”