警声百二秒II｜张颖康饰演贼王遭真飞虎队揿地制服意外撞伤面
撰文： 吴子生
出版：更新：
张颖康和阮嘉敏（Mandy)今日（25/3）现身西贡为无线节目《警声百二秒II》开工。张颖康透露今次和Mandy饰演贼公贼婆，剧情讲述二人遭到飞虎队逮捕，过程惊险：“今次呢个剧情系浓缩版，讲飞虎队点样去制服一啲嘅悍匪，变咗今次我系俾佢哋制服，我系完全反抗唔到，埋位前我同阿Sir讲，一阵制服我嘅时候用5成力就够，点之拍完第一次，我话可以用3成力，点知都系唔得，我要佢再减啲力度。可能咁啱制服我𠮶位阿Sir佢系武术高手，加上佢未拍过戏，力度上面未识就。（见你块面红肿咗？）其实自己又衰嘅，袋埋部电话喺裤袋，到我一趴落地，怕撞爆部电话，就用块面落咗地先，所以就搞成咁。”
Mandy接著说：“张颖康佢好专业，呢场戏真系拍得好真，连监制都话要畀多啲今次大头佢，仲话保证会出。仲有头先我同佢玩紧电话期间，突然听到两下好大声嘅枪声，我系吓到捉住咗佢个大髀，我系无预计到今次拍系会出动到坟场，今次真系不惜工本。”