港人日本夹公仔输12万Yen　日本通翟威廉：最尽玩2千Yen好走人

去日本游行，真系冇乜边个冇玩过夹公仔机，而且日本店员仲相当友善，若然见你多次失败，就会专登打开部机郁郁啲公仔摆位，让大家不会空手而回。但近日有游客到大阪旅行，就在名胜心斋桥的一间夹公仔店中伏，花了12万Yen(8,400港元)一个公仔都夹不到，该名游客将中招经历post上网，竟然有不少网民有相同经历，而矛头亦直指该间黑店。

其实夹不到公仔都是自己技术与运气问题，为何会指对方是黑店呢？该名网民解释原来他最初只是玩300 Yen的夹公仔机，而店员亦友善地为他们移动公仔位置，跟着游说他们转玩500 Yen一次的夹公仔机，当然机内的公仔亦是大Size，而且当场示范如何夹到，还给他们试玩，而他们两三下手势已经夹到公仔，亦因为一时贪念令他们纷纷入局，原来到正式用钱玩时，又是失败收场，跟着店员再下一城，叫他们玩1000 Yen的公仔机，而奖品不但有公仔，还额外有iPad及iWatch，而且又再一次让他们试玩，最后12万Yen玩晒，莫说iPad，连一只公仔都夹不到，比起游日的机票及酒店还要贵，难怪该名网民肉赤，兼且愤愤不平。

网民误入日本夹公仔机黑店全文：

无线艺人翟威廉曾在日本留学，精通日语及当地文化，名副其实是日本通，他接受《香港01》访问，知悉该名网民惨况，不禁说“原来依家有iPad夹咁犀利？咁员工好努力等你挟到公仔呢？呢个系真嘅。我以前系日本留学时，都有夹毛公仔嘅，佢哋见你夹唔到就会移一移位，其实都系想你夹到，呢个系我嘅印象。以前我系池袋住都有夹，纯粹开心玩下，我仲记得𠮶时冇乜难度。”

问到他如何分辨那一间是黑店，他表示入到去一玩就知，“有额外嘅奖品，呢种形式真系未见过，咁梗系有啲嘢啦，唔好继续玩啦。如果你坚持玩落去，玩得就预咗啦，十几万Yen都唔停㖞，讲真5千Yen都要停啦，3百几蚊啦，呢啲纪律嚟嘅，要自己控制啦。”他还自信爆棚地说“我就一定唔会中招，夹两嘢唔得都走啦，同女友去都系咁话。(最多试过用几钱夹公仔？)我最尽两千Yen。呢啲其实同赌场一样，氹你去玩买大细咁，最后输输输，输到甩裤。同一道理，但有时又唔赖得人，佢又冇用刀行住你去玩。”最后翟威廉笑说去日本大把节目，不一定花尽金钱去夹公仔，弄得一肚气就无谓啦。