罗启豪李佳出埠登台香港机场现阻滞：签证出现问题
撰文： 吴子生
出版：更新：
罗启豪及李佳日前出发往温哥华登台，参与当地一个有多年历史嘅华人慈善团体举办嘅筹款晚宴，但在临上机前却发生一个小意外，令他们虚惊一场。
启豪同佳佳为乘搭早上九点嘅航班，晨早天未光就出门口。幸好二人预早两个多小时到达机场，因为佳佳去到柜位登记时，航空公司职员竟然告知入境签证出现问题，未能让佳佳上机。佳佳表示：“我两个月前已经申请好咗入境签证，仲收到电邮确定。去到柜位听到职员咁样讲真系吓一跳，因为主办单位安排好晒，如果我作为表演嘉宾出席唔到一定会为对方带嚟好大影响。等咗好耐，经我哋追问下职员帮我哋致电去加拿大确认先知道原来系搞错咗，冇问题可以畀我上机。真系有惊无险！”而佳佳同启豪晨早机出发亦无减歌迷的热情，一大清早都有大批歌迷到达机场送机，为他们的偶像出征加国打气同加油！
启豪两个礼拜前先在拉斯维加斯登台返港，现在又要即刻搭长途机，问到会否感到疲劳，启豪表示：“唔怕呀，有工作就十分开心！同埋今次唔单止同佳佳一齐去好开心，其实亦因为我以前喺美国读书时，成日都过加拿大探亲，所以对于加拿大都好有亲切感，好开心今次可以藉住工作机会返去行吓。”