吴卓羲主动与美女粉丝握手惨食柠檬场面极尴尬：阴差阳错啫

林峰和吴卓羲两好兄弟今日（15/3）现身将军澳电视城出席无线全新节目《Mayanne 小喇叭》宣传活动。林峰就透露今次节目主题，主要讲同吴卓羲25年兄弟情如何维系：“其实我同佢呢25年喺银幕上合作真系唔算多，但私底下我哋就好多接触，我同佢相处好多时意见都好一致，未试过闹意见。（会唔会有时觉得佢好多嘢讲？）咁又唔会，我就系钟意佢多嘢讲。”卓羲接著说：“其实要维系一段友情，有好多嘢都要接受，就例如十只手指都有长短，每一个人都有缺点同优点，咁我点解唔望佢嘅优点呢，我钟意佢就系咁。”

另外提起日前他在大马出席公开活动期间跟女粉丝合照后，主动热情试图握手，可是女粉丝未有领情便随即走开，令场面十分尴尬。吴卓羲笑言：“其实你都知我几调皮啦，因为𠮶日影百几二百张相，其实企喺度你会觉得好目独，而咁啱个女仔转咗身我先第手，我觉得有啲嘢自己令到自己开心少少，可以继续影相落去，点知就咁畀人影到，然之后出到嚟就系咁嘅情况。啲人仲话个女仔冇礼貌，其实真系唔关个女仔事，系我嘅问题。事后个女仔知道咗之后，都返转头讲唔好意思，成件事只不过系阴差阳错啫。”