羽毛球｜伍家朗分享巴黎洗衣店奇遇　“是好人好事还是天仙局？”

港队早前战毕世界羽联巡回赛巴黎公开赛，将转赴英国伯明翰出战全英赛。
不过离开巴黎之前，港将伍家朗与李晋熙在洗衫时遇上一件奇事，他在Instagram分享，并请粉丝评定到底“遇到好人好事定系天仙局”。

伍家朗在巴黎站次圈不敌安东臣出局，李晋熙和混双拍档吴芷柔也同样在次圈输给泰国组合，他们将会在全英赛再争佳绩。伍家朗周日在Instagram发文，以“牙朗的出国奇遇趣事”为题，分享在巴黎洗衣店的奇遇。

伍家朗表示，周六是最后一晚留在巴黎，所以按习惯在启程前的最后一晚，将穿过的衣物拿到自助洗衣店清洗，当时他与李晋熙一同前往洗衫，“见到间洗衣店系9：30闩门，但我地9：30啲衫仲干紧，又冇职员要嚟锁门，啲干衣机又仲运作到，咁我地就由佢继续干啦，谂住只要一路企喺度望住啲衫就唔会有意外啦。”

两人在店外等候，谁料差不多干完衣之际，干衣机传来“哒”一声，“对（道）门自动锁咗！我地势估唔到原来咁先进用遥距锁门（输经验）。有另一个当地人同我地一样情况，我地无论点样尝试推对（道）门都系打唔开。”同病相怜的当地人致电店舖的紧急联络电话，“得番嚟嘅答复就系话要等第二朝7点道门先会开返。咁就大获（镬）喇，我今日5点就要出发去机场啲衫点算呢？”

无助之际，却突然有人前来，“有一个阿叔好random（随意）咁走过嚟问我地有冇嘢需要帮手，咁我地就话咗俾佢听我哋遇到咩问题，佢即刻信心满满咁话佢可以帮我哋打俾洗衣店老板叫佢打开对（道）门。”伍家朗指，这位“阿叔”询问两人来自何处后，表示“一定会帮我地哩两个嚟自香港嘅朋友解决问题”，惟男子满身酒气、不修边幅，又称要返回车上拿电话，“伏味非常之浓”，惟无计可施下，“见到有一线生机都要搏下”。

伍家朗指，自己和李晋熙都有多年出国作赛经验，“危机意识多少都有啲嘅，慎防有诈我哋都系行过去对面马路等佢，免得佢阵间班咗马返嚟㓥我地”，几分钟后男子回来、打完电话后，干衣机的门竟真的打开了。

“我地攞返晒啲衫之后就一路多谢佢帮手，佢亦都好顺理成章，好自然咁问我哋可唔可以俾啲钱佢，我地最后俾咗5欧罗佢，佢都好满意冇想要更多，仲提我哋而家身处喺巴黎比较危险嘅地区，此地不宜久留。”

伍家朗认为对方替自己解决问题、又提醒两人注意安全，“呢5欧罗抵畀啦！”不过也问粉粉，认为自己“真系遇到好人好事，定系中咗天仙局呢？”大多数留言的网民都认为，5欧罗能解决问题非常值得，也有人指出洗衣店若是9：30关门，伍家朗是挑战店舖底线；也有人认为，“阿叔”或是每晚都在店外等候“执死鸡”赚钱，或是根本就是洗衣店老板本人。