最年轻登珠峰港人文武双全 拍摄《I SWIM》堪比攀山｜曾朗杰专访
18岁的曾朗杰（Bob）经历了一年非一般的Gap Year（空档年），成为最年轻登上珠穆朗玛峰顶的香港人。其实，在上珠峰前，曾朗杰还做了一件他自称辛苦程度拍得上爬珠峰的工作：拍摄电视剧《I SWIM》。
访问前半个月，适逢《I SWIM》播映，看到最后片尾，见到摄影名单有个熟悉的名字叫“曾朗杰”，岂不是接下来的访问对象！会不会是同名同姓？拍剧与爬山应该是风马牛不相及的事。
访问当日，询问爬山问题以外，也禁不住好奇心一问：“我喺《I SWIM》片尾见到你个名？”曾朗杰笑道：“𠮶个真系我嚟。”
曾朗杰的Gap Year后半部奉献给爬山，而前半部就是给了《I SWIM》。
他早就打算在升读大学前留一年Gap Year，目标是攀爬世界最高峰珠峰及北美最高峰迪纳利山，但爬这两座山其实只需半年，之前的半年时间做什么？他去找兼职，先在一间户外用品店担任售货员两个多月。
有天，父亲曾志成有位朋友问曾朗杰：“有冇兴趣去ViuTV拍嘢？”
“当然话有兴趣！”曾朗杰有两大爱好，一为拍片，二为爬山。
参与《I SWIM》演员试镜工作
曾朗杰通过面试，被安排入《I SWIM》的剧组。想起那三四个月的经历，他说：“好兴奋同好惊，我之前听过朋友讲外国拍剧嘅文化，都系好Chur（令人透不过气），入咗去后先知道，原来香港拍剧系仲Chur。一开始唔系几惯，又紧张，成日做错嘢俾人闹。后尾几个星期，熟悉咗就好啲，冇咁担心。”
《I SWIM》取景地大环山泳池出名隔涉 无敌海景练水好地方
他先加入导演组，筹备拍摄，为演员试镜，他说：“帮艺员做游水训练，做次要角色嘅面试，帮手影相，睇下佢哋游水得唔得。其实好简单，都系帮下手，基本上人地叫我做乜就做乜。”他笑言自己是戏组中最低级的成员。
开拍之后，曾朗杰被调到摄影组，感受到拍剧的辛劳，他需要很快地架设摄影器材及路轨。他说：“实际喺现场学先知系咩料，啲人叫我递啲嘢嚟，叫我Set Up（安装）啲乜野，我唔会话自己完全唔识但唔熟，我可能要慢慢Set，但你要拍得好Chur，个几钟拍完又要去下个地方，对我好大挑战。”
曾两度客串《I SWIM》临时演员
“成日俾人闹。（点解？）做嘢做得慢同遴迍。”他说：“体会到自己仲有好多嘢要学，你话好基本操作摄影机，我都有学过，但唔太纯熟，而且专业拍摄同自己玩系完全不同，样样都有程序，呢啲程序你上网唔会学得到。”他记得还有两幕被叫去客串临时演员，“有一幕，有个艺员用手机扔我，我就接住佢。第一次拍，好紧张，但见识咗好多。”
当拍摄由兴趣变成工作时，曾朗杰面对很大的冲击，除了手脚要快，工时还非比寻常。他说：“拍十几个钟，返屋企瞓得几个钟，拍得最长试过19、20个钟，返屋企瞓两三个钟再拍。香港拍剧就系咁，拍开嘅人觉得正常，但对于少接触嘅人真系好辛苦，系新嘅体验。”
拍剧生活似攀北美最高峰
“初初真系吓惊，头一星期觉得‘咩料呀，咁辛苦嘅’，真系想像唔到咁Chur，过咗两三个星期先慢慢接受到，要呢个Level（水平）先做得到。”他觉得拍剧的生活跟攀登北美最高峰迪纳利山有点相似，“因为都要长时间做嘢，爬Everest（珠峰）每日爬几个钟就可以休息，但爬Denali（迪纳利山）你爬完8、9个钟，仲要多5、6个钟去Set Up同煮食，做唔同嘅嘢，‘几时先完’！”
曾朗杰专访｜非一般童年缔登珠峰纪录 攀山家父亲曾志成言传身教
拍摄跟爬山有没有共通点？曾朗杰苦笑道：“好辛苦，一开始你唔会习惯到，你要爬山或者拍嘢一段日子先适应到。”
拍摄过《I SWIM》，切身感受到香港拍剧的辛酸，会不会吓怕这位充满热诚的年轻人？曾朗杰不假思索地答“冇”，接着解释：“我谂登山都系，登山最初都系辛苦到我唔想爬，慢慢先喜欢呢个活动。”
他记得小时候，有朋友到日本旅行，回来后向他展示经剪辑过的旅程片段，令他对拍片产生兴趣，之后他每次到海外登山，也会拍片，包括今年到尼泊尔及美国的攀山之旅。他说：“因为我想拍低一啲自己会一生难忘嘅事。拍攀山片，目标系畀自己睇，讲真有几多人睇？不过，最近疫情好多人离开唔到香港，希望香港嘅登山爱好者都睇到啲片。”
IB公开试榜眼坚持读电影
曾朗杰希望以拍片为事业，尽管有更多的选择，也坚持走这条路。他去年应考IB国际文凭考试，在满分45分中，考获44分，成为“IB榜眼”。他记得放榜时都不敢看成绩，叫家人代他先看，他说：“你睇先啦，我放弃咗嘞，返到屋企一睇，哗！咁嘅分数！都几惊喜。”
他续说：“啲朋友都有话，个分咁劲点解唔报牛津、剑桥？因为冇我钟意嘅科。讲紧我想读电影，其实喺英国拎到36分左右，已经足够入读好劲嘅Film School（电影学校），更多要求你嘅Portfolio（作品集）。”
做过售货员，拍过电视剧，上完珠峰，再登北美最高峰，曾朗杰完成了独一无二的Gap Year。在这个学年，他将开展大学生活，到英国留学念电影及电视制作。他说：“几年前我唔知想读咩，虽然我钟意行山，但我教人麻麻地，不如做啲我最有兴趣嘅野，就系拍片。（有啲乜片想试下拍？）想拍摄啲写好剧本嘅片，𠵱家拍得多嘅系类似纪录片，读晒呢3年再睇下点。”
对于拍片以至登山路上的终极目标，曾朗杰说：“将两样结合，将电影元素加入登山。这比单单爬山更珍贵。”