郭晶晶拍住霍启刚包饺子超甜蜜　讲起新年派利市又尴尬又回味

已退役的中国“跳水皇后”郭晶晶，趁农历新年前夕，与丈夫霍启刚拍片包饺子，谈及一些派利市及讨利市的趣事。郭晶晶回忆初嫁到香港时，不知道南方人会派利市给陌生人，面对陌生人拜年时，十分尴尬，现在她已学懂带个大袋装利市。

郭晶晶及霍启刚在片中讲到香港及内地在派利市的文化，香港人在农历新年外出时，会带备一叠利市，会派给管理员、酒楼侍应等陌生人，但郭晶晶在内地就没有这样的文化，只会派给亲朋戚友。她说：“我初初嚟𠮶时好唔惯，因为唔知呢，出去觉得好唔好意思，点解冇带住好多利市喺包入面，所以后尾就知道，出去要带个大手袋，摆好多利市喺入面。”

霍启刚接着说：“佢成日好唔好意思，个个走过嚟话‘霍太，新年快乐，身体健康，万事如意’……”郭晶晶一边包饺子，一边加多句：“咁点算！”霍启刚续说：“讲完一大堆之后，发现个袋度冇利市，所以过几年就学精咗，个袋大啲，里面摆住一堆利市，（其他人）一讲新年快乐、身体健康（她）就会（派）。”

霍启刚又讲到自己小时候讨利市的经历，他说：“每年年初一，我哋啲小朋友都会揹住好大个背囊，点解呢？每年年初一都有好多亲戚朋友，其实唔止，仲有公司员工同埋唔同朋友，嚟到我哋屋企拜年，平均每年都有百几二百人嚟，所以你可想而知呢，以前真系逗到唔少利市。朝早逗利市，夜晚一定拆利市去数。”

他续说：“永远会有好多散纸，好多10蚊、20蚊、50蚊，数到差唔多，永远都系用借口，问我嫲换钱，可能系80蚊换100蚊，800蚊换1000咁。当然唔系呃佢，冇欺骗、诈骗嘅成份，系摆明抢！都好开心，好多呢啲回忆，谂返起转头都好开心。”