利物浦球迷到晏菲路观战遇窃　当地港人提醒应注意财物安全

利物浦今季在联赛榜遥遥领放，抛离次席的阿仙奴13分，再夺英超机会高唱入云。由于2019/20球季首夺英超受疫情所限未能大肆庆祝，不少香港或已移居英国的港人利迷都计划趁机会到晏菲路球场“朝圣”。

不过各位球迷前往当地睇波，开心之余必须谨记外出旅游基本注意事项，由移民当地港人开设的利物浦球迷专页“利撚英移”版主便发出帖文，指出近日有利迷驾车到晏菲路球场参观时，座驾车尾箱玻璃被打爆，财物被盗，提醒各位球迷要注意保护财物免招无谓损失。

“利撚英移”版主在帖文中称：“黎紧都有唔少朋友准备过黎利物浦朝圣，但兴奋之余都要好好保护自己嘅财物，免招无谓损失！有师兄pm小弟，话俾我知佢上星期四，即系对赛纽卡素嘅第二天，同大部分黎朝圣嘅朋友一样去睇埋Stadium Tour，大概朝早10:00就喺Anfield附近民居揾左个街边位泊低架车，就兴高采烈咁出发去睇Stadium Tour。”

“点知个零钟头返黎之后，发现自己车尾箱玻璃俾人打爆咗，入边嘅背囊、相机镜头、航拍机、仲有一啲个人财物全部唔见晒，而且喺背囊入边嘅信用卡一个钟头之内亦都有俾人盗用嘅纪录。”受害人怀疑他们一行人的利迷游客身份，早已成为贼人目标，有计划地等待他们泊好车离开便落手。

移英利迷提供赴晏菲路观战醒目贴士

事实上，不止在英国当地，同类汽车爆窃案在美国、加拿大以至欧洲各国均属常见，一时疏忽便有机会被贼人有机可乘。“利撚英移”版主提醒各位球迷不要在车内当眼处摆放任何财物，“一定唔可以露眼，就算放喺车尾箱都要有一个尾冚唔好俾贼咁轻易睇到”，而且“大家记得落车嘅时候唔好俾人见到你哋喺度收拾行李，其实甚至乎唔应该将咁多行李、贵重物品摆喺车入边，尽量留返喺酒店会比较安全，另外泊车都尽量唔好泊喺一啲横街窄巷。”

他建议，“非比赛日其实大家可以泊喺球场隔离嘅Stanley Park大型停车场，起码泊喺停车场都有几个闭路电视睇住，啲贼人都唔敢咁大胆！”

受害车主建议：千万不要泊入内街

今次被“扑车”的事主补充，如前往当地，泊车的时候要注意：“尽量千万不要泊入内街：没有cctv（闭路电视）、不是人车来车往的大街、其实黑镜玻璃都系无作用。”

值得注意的是，大家无论前往任何地方旅游，也应以同一标准，时刻保持警觉，小心看管财物。“利撚英移”版主不希望今次事件令大家产生错觉，认为晏菲路是个特别危险的地方，指出：“其实去到边度旅行都系一样，特别系欧洲地方，好多大城市都会有唔同型别嘅贼仔、扒手、骗徒出没，大家开心去享受假期嘅时候，都要提高一定嘅警惕，以免成为贼人嘅目标。”